بعض الاصدقاء كانوا بيسألوني في الفترة الاخيرة ازاي ممكن يبدأوا في مجال ال Frontend فحبيت اشارك اجابتي عليهم يمكن تفيد حد. ثريد .

في البداية برشح ان يكون عندك فكرة حتى لو كانت بسيطة عن ازاي الانترنت و الweb شغالين بدون الدخول في تفاصيل ممكن تكون صعبة عليك في البداية. في فيديو قصير بيشرح الموضوع : https://t.co/ra7lOqbw9m

دلوقتي انت جاهز انك تتعلم HTML وهي لغة بتساعدك تبني صفحات الموقع و هي المسؤلة عن تكوين (structure) اي صفحة.

لل HTML برشح سلسة فيديوهات سهلة و لطيفة موجودة على اليوتيوب : https://t.co/bWTyPoivmj

بعد ماتخلص فيديوهات ال HTML بيجي وقت ال CSS و هي اللغة مسؤوله عن الStyle بتاع صفحات الموقع. المرحلة دي بتشتت ناس كتير و في ناس مبتكملش بسببها علشان في حجات كتير ممكن تتعلمها و فيها مواضيع advanced.

انا شايف ان من المهم انك تذاكر الاساسيات كويس و ده هيساعدك كتير و بعدين ممكن تذاكر الباقي و انت شغال.

في ال CSS برشح فيديو ل freeCodeCamp هو طويل شوية بس فيه كل اللي انت محتاجه علشان تبتدي و بفضل انك متتفرجش عليه كله مره و تطبق كل حاجة بأيدك علشان تستفاد .