نصائح قانونية حول تقنين أوضاع السودانيين في مصر:

مهم جدا ليك كمواطن سوداني دخلت مصر بطريق شرعي أو غير شرعي انك تعرف وضعك القانوني في الحالتين و المتطلبات و النتائج شنو، و لأن معظم الأسر وضعها المادي اصبح صعب بسبب الظروف الحالية و الرجوع للسودان فيهو مخاطر

1️⃣ https://t.co/uBc8wT8pKQ

عشان كده محتاجين نتعاون مع بعض حتى لو بمعلومة ممكن تساعد ان يكون وجودهم في مصر بشكل قانوني، وعشان ده يحصل لازم نعرف شنو الاجراءات المفروض نعملها في حال دخولنا لمصر سوى بشكل شرعي او غير شرعي ، وفي كل حالة في خطوات و اجراءات حاذكرها بشكل مبسط:

2️⃣

?حالات الدخول لمصر بطريقة شرعية (قانونية):

يعني مثلا طلعت ليك زيارة أو قدرت تطلع الموافقة الأمنية (في فترة الحرب تم استبدال الزيارة بالموافقة الامنية حاليا)، في الحالة دي اول ما توصل مصر بكون عندك فترة ٣ شهور (كانت ٦ شهور قبل الحرب) وقبل ما تنتهي فترة الزيارة عندك خيارات

3️⃣ https://t.co/tcNhZ6SVFO

وكلها بتساعدك تعمل اقامة،

▪️الخيار الاول: ايجار شقة

إذا عندك مقدرة مالية و اجرت شقة طوالي امشي الشهر العقاري ووثق العقد و قبل انتهاء فترة الزيارة قدم للإقامة وعقد الايجار بيديك اقامة ٦ شهور قابلة للتجديد . الاجراء ده محتاج تشيل معاك عقد الايجار الموثق+ أوراقك الثبوتية + رسوم.

4️⃣ https://t.co/96gQqd2QL6

▪️الخيار التاني: تسجيل اولادك في المدارس

ممكن خلال فترة الثلاثة شهور دي تبدا اجراءات تسجيل اولادك في المدارس . وبمجرد تسجيلهم بتاخد خطاب (افادة) من المدرسة ان عندك طالب/طلاب مسجل/ين في المدارس و ده بيساعدك انك تعمل اقامة لمدة سنة عشان وضعك كمواطنون اجنبي يكون قانوني

5️⃣