#موريشيوس الوجهة اللي ماكنت حاطها ضمن أولوياتي كنت أشوف المالديف أفضل منها والآن أعترف لكم من على أرضها بأني كنت مخطئ طوال السنين الماضية وجهة عظيمة تمتلك جميع المقومات اللي كنت أبحث عنها راح تكون هذي التغريدة مرجع فيه كل تفاصيل الرحلة بتنظيم من @arabian_tours للصديق @fahad7081 https://t.co/0qLZJA7P5P
ليش تختار #موريشيوس ؟
فيها تنوع عجيب في التضاريس وإختلاف في الطقس بين منطقة وأخرى سواحلها جميلة ومتنوعة مابين الرملي والصخري غابات إستوائية بحيرات شلالات براكين خامدة أجواءها مناسبة في الصيف والشتاء شعبها مسالم وخدوم وفوق هذا كله منتجعات ساحرة بأسعار معقولة تناسب الجميع
#موريشيوس تدخلها بدون تأشيرة بس فيه شغلات يطلبونها منك ولازم تكون معك
- أول شيء تكون محصن جرعتين ومعك الاثبات
- ثاني شيء الأطفال لابد تأمين طبي يغطي كورونا
- ثالث شيء فورم خاص فيهم تعبيه اون لاين
الموقع سهل جدا ماياخذ منك بالكثير ٨ دقايق لكل جواز تفضل ⬇️
https://t.co/DghiQptCiq https://t.co/lpAhkSD7V6
الخطوط السعودية للأسف مالها رحلات مباشرة من الرياض إلى #موريشيوس لابد تمر على جدة وتجلس تنتظر بالطيارة ساعة يحملون ركاب زيادة أمنية أن يكون للعاصمة نصيب من الرحلات المباشرة إلى #موريشيوس واذا حاب تجرب خيار آخر فالخطوط الإماراتية لديها رحلات كذلك إلى #موريشيوس مرورًا بدبي
#موريشيوس جزيرة وحده مو مجموعة جزر نفس المالديف لذلك تقدر تتنقل داخل الجزيرة ولكل جزء من الجزيرة طقس ومناخ مختلف وتضاريس أيضا مختلفة أضف إلى ذلك وجود مزارات وأنشطة سياحية متعددة بأسعار معقولة جدا عكس المالديف اللي مستحيل تسوي نشاط واحد فيها غير الضرائب ورسوم التنقل عالية
