في البر غرب جنوب قطر ولد إبراهيم حوالي ١٩٤٠ وعاش وسط أمه وأبوه وحيدًا فقيرًا يمر عليه اليومين والثلاثه ما ياكل غير تمر ويشرب حليب،وكان يعمل مع أمه في بيت الشعر ويرعى الكم راس اللي عندهم ويحطب ويورد الماي مع أمه ويساعد أبوه في تنظيف سلاحة ويركض يجيب الارنب اذا صادها ابوه وهو قانص
وكان مطيعًا نشيطًا لا يشتكي من شيء ويرقد وين ما يطيح راسه،على حصاه والا تحت عوسيّه وينز يكمل شغله.
كبر في البر و شب ولما زارهم خاله لحضري شار على ابوه يدخله الشركة ومعاشه بينفعهم كلهم،وداه ابوه دخان وشغلوه كولي ،أول الشهر يستلم راتبه ويشتري بعض الاغراض من دخان ويصّر باقي لفلوس
يوديها حق أبوه.
بعد كم سنه في دخان زوجوه بنت خاله وسكنوا بيت حصى وطين قريب دخان وتركوا بيوت الشعر ولكن ما تخلوا عن الحلال.
اغلب الناس راحت الدوحه في الستينات ومعاهم رحلوا اهل ابراهيم ولكن بسبب كبر سن والديه وضعفهم ترك ابراهيم الشركه وأشتغل في كراج الحكومه،مرت عليه الايام وجاته
لعيال وهو في شغل ليل ونهار وياخذ اور تيم عشان يجمع فلوس،وشرا له ارض ورا الثانيه وبيت،ولا قال حق حد شي حتى مرته ما علمها وزادت مداخيله وتغير طبعه صار حريص جدا على لريال ولا يصرف،حتى عياله وبناته معيشهم عيشة صعبه وهم يفكرونه فقير.
وضعفت عيونه من الشغل ولكنه ما اهتم واستمر في شغله
الى ان فقد البصر في عينه اليمين وخف شوفه في اليسار فطلب تقاعد طبي مبكر وتفرغ حق شغله الخاص اللي محد يعرف عنه،وجاب له سايق هندي وكان يكلمه بلغته ولا يعلمه عربي علشان ما يعلم عياله عنه بشي.
وكان يقول حق مرته انا ازور ربعي وأوصل جماعتي، وهو يشتري ويبيع ويجمع فلوس واجارات ويحط ودايع
