المعتاد إن الناس تحس بدوخة أو هبوط قبل الفطار الغريب إنك بعد م تاكل تحس إنك دايخ وهبطان

إيه أسباب الشعور بالدوخة والهبوط بعد الفطار

#ثريد #يومياتطبيبةتغذية #رمضانيات_مي #QA

1- انخفاض ف ضغط الدم

بيحصل لحوالي تلت كبار السن وخصوصا مرضى ضغط دم مرتفع أو مشاكل الشرايين

الدم بيتدفق للمعدة والامعاء عشان يبتدي يهضم الاكل وبيقل تدقق الدم ف الدماغ (الطبيعي إنه بيحصل انقباض للاوعية الدموية وزيادة ضربات القلب عشان الحفاظ ع الضغط) لو ده م حصلش حتحس بالدوار

والحل ؟

-لو انت مريض ضغط دم مرتفع وضغطك بيقل قبل وقت الافطار ف متاخدش دوا الضغط ع الافطار وحاول تراجع طبيبك المعالج يزبطلك الجرعة والمواعيد

-ممكن تكسر صيامك على كوباية مياه كبيرة ده بيقلل جدا انخفاض الضغط

-قرص بروفين مع الفطار بيمنع هبوط ضغط الدم ده

-بلاش وجبة فيها نشويات كتير ونشويات بسيطة بالاخص لأن الارتفاع الحاد ف الانسولين عند بعض الناس بيسبب انخفاض ف ضغط الدم

ف كوباية العصير ممكن توطي ضغطك عادي

-المشي بعد الفطار ممكن يحسن جدا الهبوط ف ضغط الدم لإنه حيساعد على انقباض الاوعية الدموية الطرفية