إفهموا الحقيقه علشان محدش يضحك عليكم

بالنسبة للفيديو بتاع إعدام الكتاكيت

طبعا محدش يقدر ينكر أن فيه أزمة في الأعلاف نتيجة عدم الإفراج عن الخامات المستخدمة من الموانئ

لكن أحب أنوه عن حاجة بسيطة يعرفها كل من هو يعمل في مجال الدواجن عامة ومعامل التفريخ خاصة https://t.co/LGOnV6H3yl

بيض التفريخ بعد خروجه من الحضانات يكون عبارة عن كتاكيت نصفها ذكور ونصف إناث بنسبة طبيعية حوالي ٥٠٪ لـ٥٠٪ وبعدين يتم فرز وفصل الذكور عن الإناث

المفاجأة إن الفيديو اللي شوفتوه ده والكتاكيت اللي بتعدم دي كتاكيت ذكور و ده بروتوكول شغل معامل التفريخ أصلا يعني الموضوع مش جديد ولا حاجة

حيث إن الكتاكيت الذكور مش هتبيض ونوع سلالتها أصلا لا تصلح للتسمين لأنها هتبقي غير اقتصادية هتاكل كتير وهيتصرف عليها كتير ومش هتوصل للوزن المطلوب اللي معاه المربي يقدر يكسب منها فبالتالي بيتم إعدامها زي ما شوفتم

أما الإناث بتتاخد وتتربي علشان ناخد منها البيض

الذكور في سلالات البياض(مش التسمين)عشان توصل لوزن كيلو ونص بتقعد حوالي من ٣ لـ ٤ شهور أكل ومرعي ومصاريف وعمالة وتحصينات وأدوية وخلافه بعكس سلالات التسمين اللي بتحقق الوزن خلال ٣٥ لـ ٤٥ يوم

بلاش تبقوا كورة في رجل الحيتان اللي ماسكين ومحتكرين الأعلاف وخاماتها علي مستوي الجمهورية

واللي الدولة (تصدق أو متصدقش مش هتفرق كتير) بتحاربهم

المشكلة هتتحل بس مش بالطريقة دي فياريت نفهم وبلاش نبقي كورة يلعبوا بيها زي ما هم عايزين

أصل لو انا عارف إن مفيش علف يبقي بحضن بيض ليه وأنا عارف أصلا إني هعدم الكتاكيت دي بعد كدة علشان الأزمة الموجودة !!