انا حقيقي مكنتش اتخيل اني ممكن في يوم من الايام انزل حاجه زي دي
انا كنت رايح الجامعه الصبح وركنت عربيتي علي المشايه قدام بيبو لاند ومحل كاكو للاطفال بالظبط ركنه مظبوطه مش مخالف ولا واقف صف تاني
لحد ما الدكتوره ايمان سلامه احمد عبد المجيد الدكتوره في كليه الصيدله.١ https://t.co/nJDTR6pd1G
كانت ماشيه بعربيتها وبدون أي مقدمات خبطت عربيتي المركونه وخليتها تتحرك وتخبط في العربيه اللي جمبي وخبطت في راجل واقف بالموتسكيل بتاعه
ولما السايس وبواب العماره والناس اتلمت قالت بالنص انا نمت وانا سايقه ومعرفش ايه اللي حصل .٢
طبعا كلمت والدها عشان يجي ((الاستاذ الدكتور سلامه احمد عبدالمجيد الاستاذ بكليه الطب جامعه المنصوره))
ولما وصل قال لكل الشهود الموجدين بالاسم انا هتكفل بكل تكاليف التصليح وحصل خير واحنا غلطانين
والناس لما عرفو ان هو استاذ دكتور في كليه الطب توسمو فيه الصدق واخدو رقمه وسبوه ٠٣
للاسف انا مجتش للعربيه غير لما خلصت في الجامعه الساعه 1 يعني بعد الحادثه بحوالي3 ساعات لقيت عربيتي مدمره حرفيا باضرار كبيره
اخدت رقم الدكتور سلامه من السايس وكلمته
انا صاحب العربيه اللي بنت حضرتك خبطتها
ايوه يا ابني انا اسف جدا لحضرتك وانا متكفل بكل اصلاحات العربيه ٠٤
واحنا تحت امرك وكلام كتير من النوعيه دي وعرفني بنفسه انه استاذ دكتور في كليه الطب فقولتلو تمام حضرتك تجيلي ونشوف االلازم قالي والله انا بره المنصوره قولتلو ابعت من ينوب عنك قالي متقلقش من أي حاجه وشوف انت بتصلح عربيتك فين وانا متكفل اول لما ارجع المنصوره بكل حاجه ٠٥
