جواب من زوجه متدلعه 9/1

زوجي العزيز يا مستتني يامشهيصني

بصراحة ياروحي انت مدلعني خالص وموريني الهنا الوان وانا خفت احسن اخلاقي تبوظ قولت اروح عند ماما كام يوم عشان احس بالنعمة اللي انت معيشني فيها ولحد ماجي عليك شوية حاجات بسيطة خالص حتي انت دايما تقولي شغل البيت ده ولا حاجة

جواب من زوجه متدلعه 9/2

بص ياقلبي المنبه هيرن الساعة 5.30 تقوم تحط البيض يتسلق عشان فطار الولاد وتروق الليفينج مكان سهرة امبارح وتلم الكوبايات والفناجين وقشر اللب المبعزقين من امبارح وتحطهم في الحوض ولفة سريعة عالأوض لم باسكيتات الزبالة وجمعهم في المطبخ عشان تاخدهم معاك وانت نازل

جواب من زوجه متدلعه 9/3

يلا بقي صحي العيال شطف ولبس وفطر ومتنساش السندوتشات وانزل معاهم وماتسيبهمش غير لما الباص يجي.اطلع بقي طلع كيس لحمة من التلاجة وحط الغسيل في الغسالة واظبط علي برنامج ساعة ادخل بقي الأوض روق السراير وطبق بيجامات العيال وافتح الشبابيك عشان تهوي الأوض

جواب من زوجه متدلعه 9/4

اكنس الصالة ونضف الحمام ورش ديتول. يلا بقي عالمطبخ شطب مواعين الفطار وانت بتشرب القهوة ومتغنيش عشان صوتك وحش واكويلك قميص ومن غير كروتة عشان مكوتك تقرف. ودور عالشراب فين الشراب هو مافيش حاجة في مكانها ابدا مع انه قدامك بس لازم نسمع صوتك الأوبرالي عالصبح

جواب من زوجه متدلعه 9/5

الساعة بقت8.30 قفل الشبابيك عشان الدبان وخد الزبالة في وجري عالشغل هتخلص شغل الساعة 3 وتروح بدري للعيال وانت طالع شوية خضار طازة في ايدك ملوخية مثلا بلاش بامية اصلي مبحبهاش مع انك بتمسح الحلة ادخل المطبخ حطه اللحمه عالنار وانشر الغسيل اللي حطيته الصبح