اللي بيتلخبطوا بين التهجد والقيام والتراويح ومش عارفين الفرق بينهم.. إيه الفرق بقي..
-ايه الفرق بين صلاة التراويح ، التهجد ، قيام الليل ؟!
=كلهم واحد..مفيش فرق بين التلاته كلهم مسميات تطلق علي صلاة
#التطوعمنبعد_العشاء ..
بس الفرق كله في #توقيت صلاتك !
يعني لو صليت بعد العشاء مباشرة من غير ما تناملك حبة =تبقي #تراويح
لكن لو صليت العشاء ونمت شوية وصحيت في الثلث الأخير من الليل=يبقي #تهجد
#والقيام ده مسمي عام معناه= انك تقوم ليلك او جزء منه بين يدي ربك
-يعني نصلي انهي واحدة فيهم..وبأنهي نية ؟!
=صلي التراويح بعد العشاء..
وناملك شوية مثلا واصحي في الثلث الاخير صليلك ركعتين او اكتر تهجد
يعني مش هتخسر حاجة لو صليت الاتنين
-طيب هي كام ركعة التراويح ؟!
-هيا علي الأرجح11ركعة (ده السنه وممكن تزود ، المهم تكون عدد زوجي8مثلا وبعدها ركعتين شفع وركعة وتر فتصبح عددا فردياً اللي هو 11) .
-بنصليهم ازاي ؟!
=ركعتين ركعتين..بنصليهم (مثني مثني)
-بين كل اتنين ناخد راحة نذكر الله دقيقتين كده ومنها نستريح(عشان كده سموها التراويح)
-طب ينفع نقرأ فيها من المصحف ؟!
=اه ينفع نقرأ من المصحف فيها (لانها صلاة نافلة مش فرض).
-طب انا معنديش حامل للمصحف ؟!
=ولا يهمك..ينفع نشيل المصحف بإيدنا..
-الناس بتصلي بجزء في اليوم بس انا طاقتي علي أدها ومش هقدر..ينفع اصلي بسور قصيرة؟!
=ايوا ينفع نصليها بقصار السور(لغير القادر علي حمل المصحف او لغير القادر علي قراءة اجزاء كبيرة).
-طيب انا بصراحة مش هقدر أصلي11ركعة ؟!
=صلي قدر استطاعتك.
