عجبتني

وانت داخل تصلي الفجر في السيدة نفيسة كل يوم هتلاقي برة 3 عربيات مرسيدس لونهم اسود وبعدين تدخل المسجد هتلاقي 3 رجالة قاعدين وحواليهم ناس بتفرق الخير بتاعهم المهم الفضول موتنى أن بقالي اكتر من 10 سنين بروح في الاسبوع مرتين وبلاقي التلات عربيات والتلات رجالة والغريب أنهم مش

كبار يعني مش معاش مثلا لا دول 45 سنة مثلا لحد ما في يوم اتعرفت عليهم وفيهم واحد وهمي جدا باشا علي صايع علي جدع علي ملتذم علي كل حاجة المهم سألتو انتو اذاي بتقدرو تواظبو علي إنكم كل يوم هنا الفجر وبتجيو حاجات جميلة ماشاء الله والصراحة شكلكم شقيانين مش حد معاه فلوس وخلاص ....قالي

ايه بقا قالي انا الحاج كذه وده الحاج فلان وده الحاج فلان أصحاب شركات واحد اتنين تلاتة ومحلات كذه كذه الي في الغورية وأصحاب وأصحاب وأصحاب القصة أن احنا جينا هنا من 35 سنة ومكناش لاقين حتة ننام فيها ولا ناكل اشتغلنا شيالين وعمال نظافة عند معلمين شارع عبد العزيز والموسكي وفي يوم

جمعنا احنا التلاتة وجبنا عربية بعجل وبقينا نتجمع في اي جامع نصلي الفجر وننام ساعتين لحد ما النهار يطلع ونشتغل وفي يوم اتفقنا طول ما احنا في ذيادة مش هنبطل العادة دي ..قولتلو طيب مافيش واحد فيكو انحرف في اتجاه نسوان مخدرات أو فلوس حرام اي حاجة من الي بتودي في داهية قالي انا عملت

عمايل نيلة وكل حاجة وحشة بس ماكنتش بنسا العهد الي اخدناه وكان قدامي حلين يا ابطل قرف يا بطل صلاه واكيد حاجة فيهم هتتغلب علي التانية لحد ما بقيت حاجج 7 مرات وعامل اكتر من عشر عمرات بعدها بقيت باجي هنا جري مش علشان ربنا يسامحني زي الاول لا علشان اجي اوزع الخير واشكر ربنا انو اداني