فلسطين بحسها مجسم صغير للى بيحصل فى العالم كله ...فى كيان كله قايم عالبراندينج والكذب بيهاجمك مش مهتم بعيلتك ولا دمك ولا معتقدك المهم صورته وفلوسه وبيتاجر بيك ومتحكم فى اللى بيتقال وفى اكل عيشك وصوتك ..اى حد فى الكوكب دلوقتى بيتعرض لاخر ٤ سطور دول باشكال مختلفة

الرأسمالية والتكنولوجيا بتعمل فينا كلنا كدة بالظبط بقالنا سنين بس اللى بيحصل فى غزة فيلم مركز جداً من اللى بيحصل للعالم كله زائد عنف دموى كمان لأن ده اللى ناقص يحصل

فا لو نجحوا يخلصوا الموضوع كدة العالم كله نيكست بصراحة...اى حد هيخرج من النظام الجديد هيتعمل فيه كدة بالظبط ومحدش هيبص برة الموبايل يشوف ايه اللى بيحصل واللى هيعرفه هيوصله متفلتر

عمال افكر بقالى كام يوم البجاحة دى ليه؟ عشان ده هيتطبق عالكوكب كله..اهمية القضية دى انها حتى مش قضيتنا لوحدنا فعلاً دى قضية البشر رايحين فين..فى مجموعة شركات قررت انها هتتحكم فى كل اللى بيحصل وبيورونا سيناريو صغنون للى ممكن يعملوه فى اى دولة برة المنظومة الجديدة

لو مثلاً هما عايزين بكرة يشيلوا بلجيكا مثلاً من عالخريطة او يغيروا فى تركيبتها السكانية الموضوع سهل جداً ومعاهم playbook يعملوا كدة ازاى شوية نكش وبعدين تغيير فى السردية اونلاين وبعدين اطلق الفنانين اللى ماضيين معاك يعملوا قضية هوب خلاص خش اعمل اللى انت عايزه وبيع المنتج بتاعك