اليوم موضوعنا عن العزيز خالد القحطاني .. اعتذر مسبقاً عن التجريح والكلام اللي ممكن اقوله في حقه لكن اتمنى انه يتقبله بصدر رحب مثل ما حنا جالسين نتقبل كلامه المعفن ورؤية وجهه البشوش عبر السناب شات .. بسم الله نبدا
اللي جالس يقدمه المدعو اعلاه نوع خطير من الاستغفال وهذا ما يجب علينا ان نقف جميعاً لمحاربته ، وخصوصا ان اغلب متابعين هذا المحلل هم مشجعين الهلال اللي اساساً نصفهم اغبياء ويمثلون شريحه كبيره من الشعب، وهذا له تأثير على عقلية الشاب السعودي مستقبلا واللي ممكن يتناقله جيل عبر جيل .
الاستاذ خالد مشروع خطير لتدمير نصف عقلية الشارع الرياضي السعودي وهذا يعني ان الكره السعوديه بعد اربع سنوات ممكن توصل للتصنيف التاسع بعد الميتين والسبب ان نصف متابعين الكره أثر فيهم هذا المحلل واصبحت الخساره بنتيجه ٩/٠ مُرضيه لان الظهير الايسر تناقل الكره بسلاسه مع المحور .
المدعو اعلاه جايب سبوره وحاط عليها زيتون وجالس يشرح لك تكتيك ولمسات المدربين ، واذا شعر بالجوع اكل لك الظهير اليمين ثم بالسنابه اللي بعدها يقول المدرب اخرج الظهير من اللعبه واصبح يلعب بعشر لاعبين ، والمشاهد الطاقيه ينبسط ويعدل جلسته ويقول هذا مهوب خالد هذا قرديولا ياولد مجنون .
قبل يومين قدّر الله علي وشفت سناب خالد في الترند ودخلته وعندما رأيت وجهه أستمريت في السكب الى ان استوقفتني لقطات لنور الدين مرابط في مباراة الديربي الذهاب ، ابغى تركزون معي جيداً في كلام هذا المحلل الجميل والرائع =
