ثريد: كارثة بيئية جديدة في روسيا.

عزيزي المتفرج لو انت متخيل إن خلاص 2020 معندهاش مفاجآت تاني، خليني أقولك إن روسيا أعلنت حالة الطواريء النهارده بسبب أكبر كارثة بيئية حصلت في تاريخ القارة، في شمال روسيا من يومين، بتهدد بعواقب كارثية على البيئة

مش دي المشكلة بقى.. إتقل..

اللي حصل بالظبط إن في أكتر من 20 ألف طن من الوقود أو بالأخص (الديزل Diesel) إتسربوا من محطة توليد طاقة Power Plant بجوار مدينة نوريليسك Norilsk شمال روسيا، والتسرب ده حصل مباشرة لنهر أمبارنايا Ambarnaya River ونهر دالديكان Daldykan القطبي.

تخيل أنت!! أكتر من 20 ألف طن من الوقود https://t.co/zMRYrc3bsV

اتسرب لنهر قطبي حيوي بسبب مشكلة حدثت في الأساس بسبب ذوبان جليدي أدى لانهيار عامود من عواميد التانك اللي جواه الوقود ده..

مش دي المشكلة بقى.. استنى..

المشكلة يا سيدي ان التسرب ده حصل يوم الأحد، ومحدش قال للرئيس فلاديمير بوتين Vladimir Putin إلا يوم الأربعاء!! ? أنت متخيل؟!!.. https://t.co/GiWDW0g7M6

الرئيس عرف من السوشيال ميديا زيه زي بقية الناس،والإدارات المعنية اتفاجئت بالكارثة بعد اللي حصل ده كله ب 3 أيام وكل الفترة دي كان المسئولين عن المحطة بيحاولوا يحتووا الكارثة نفسهم من غير ما يقولوا لحد

نفس العقلية القذرة اللي تسببت في كارثة تشيرنوبل في التمانينات مفيش فايدة https://t.co/1y9eba4Zin

المحطة اللي اتسرب منها الوقود دي اسمها نوريليسك نيكل Norilsk Nickel وهي تعتبر أكبر مُنتج لمعدن البلاتنيوم والنيكل في العالم كله.. ودي مش أول كارثة بيئية تتسبب فيها.. لأ في الواقع هي تسببت في كارثة تانية حصلت سنة 2016 في سيبيريا سموها كارثة "النهر الدموي Blood River". https://t.co/CEpXHUgP8n