صهريج ابن بطوطة ، صهريج مستشفى دار اسماعيل للولادة،صهريج مسجد البوصيري، النزول لصهريج المباهما الأثري بكوم الدكة ، العديد من هذه الصهاريج تقع تحت ابنية بالاسكندرية عروس البحر المتوسط ايه الحكاية تعالوا نشوف مع #موسوعة_مصر https://t.co/HOT3iLf62q

العالم السحرى تحت الإسكندرية"

فى سنة 1977 ميرفت العروسة الجديدة كانت ماشية مع عريسها فى شارع النبى دانيال، وعند تقاطعه مع شارع فؤاد، انهارت الأرض فجأة وابتلعت ميرفت!.

لـ 15 يوم كاملين استنفر كامل أهالى اسكندرية ومسئولينها للبحث عن ميرفت اللى بلعتها الأرض،،،

ضفادع بشرية بتدور على البنت اللى اختفت فى عالم تحت من الدهاليز والكهوف، أهالى بيمدوا فروع كهرباء وأنوار علشان يحاولوا يساعدوا الغطاسين، الكاتب السكندري ابراهيم عبد المجيد بيحكى إنه شاف جهود الإنقاذ ده بعينيه، وفاكر إزاى الحادث شغل الناس اللى أحاطت عمال الانقاذ لأيام ،،،

علشان محاولة العثور على الفتاة، واللى انتهت دون نتيجة.

قد تبدو حكاية ميرفت حكاية خيالية - وهي مش كده طبعا - وللأسف كتير من الجرايد كمان كاتبة عنها إنها "إشاعة" لكنها حكاية حقيقية تماما، لما نعرف تاريخ الصهاريج السرية تحت مدينة الإسكندرية.

نظرا لأن المدينة بنيت بعيدا عن نهر النيل، فكان طول الوقت يستلزم نظام إمدادها بالمياه طريقة معقدة جدا، يمكن بدأت من أيام الرومان، وهى إن ترعة شيديا – هل سوق شيديا الحالى فى كامب شيزار كان مكان مرورها؟ مش عارف – الترعة تجيب لينا المياه من النيل عبر مسارات متعرجة وصعبة،،،