? كيف تبدأ تتعلم لغة ؟ ايش الادوات اللي تحتاجها حتى تحقق هدفك ؟ ومتى ح توصل للهدف ؟
#ثريد
#اتعلم_انجلش #انجليزي
اذا حاب تتعلم اي لغة تحتاج ٣ اشياء اساسية :
- كورس يناسب مستواك (مبتديء ، متوسط ، متقدم ) ممكن تختار قناة تعليمية على اليوتيوب لانه مهم تسمع الكلمات اللي تتعلمها يعني كتب بس بدون احد يشرح او بدون سي دي ماينفع، استفيد من الكورسات المجانية على اليوتيوب لا تصعبها على نفسك .
٢- فيلم او برنامج او مسلسل يكون طبعا بنفس اللغة اللي بتتعلمها حتى تطبق اللي تتعلمه ما تتخيل قد ايش ح تنبسط لما تسمع في الفيلم كلمة او قاعدة تعلمتها في الكورس اللي بتدرسه .وحتى تستفيد ضروري تشوف الفيلم اكثر من مره ،اول مرة خليها للاستمتاع ثاني مره تكتب اللي تعلمته،ثالث مره تراجع
٣- نوت تكتب فيه المفردات والجمل اللي تعلمتها وحاب تحفظها. خصص قسم للكورس وقسم للأفلام . طبعا لا تخاف حيكون سهل عليك حفظ الكلمات والجمل لانك اتعلمتها في سياق جمله او في موقف ( مشهد في فيلم ) .
٤- ح اعلمك طريقة ممتازة حتى يصير نطقك صحيح ، سجل صوتك واسمع نفسك وقارن نطقك بتسجيل يكون موجود عندك مثلا حوار في فيديو تعليمي لاشخاص لغتهم الاصلية اللغة الانجليزية او اي لغة انت تحب تتعلمها.
ما تتخيل قد ايش الطريقة هذي ممتازه ح تتعلم تنقد نفسك وتعلم نفسك بنفسك النطق .
