ثلاث شهور وانا اعاني نفسيًا والسبب ؟ قوقل الله لا يوفقه
تعبت نفسيًا وجسديًا ونحفت وبطلت آكل وأنام ، البدايه كانت في اني حسيت بعارض صحي بسيط وبحثت بقوقل عن السبب وطبعًا ماقصّر طيّح قلبي
وبما اني انسانة ماعندي دراسه ولا عمل فـ استغليت وقت فراغي بالخوف والرعب
وتطور الموضوع لوسواس الامراض
صرت موسوسه وكل شوي اراقب جسمي واراقب اي اعراض جديده ، واي شي اشوفه ابحث عنه
وقوقل يقول منجدك لسا قاعده ؟ يلا ودعي اهلك وجهزي كفنك وتعالي ?
وتعبت نفسيتي مرررره وطبعًا النفسية تأثر على الجسم وتبدأ معك نوبات الهلع والخوف الي اعراضها تكون جسديه كمان
صدق والله عشت اسوء ثلاث شهور بعمري كله ، وكل هذا بدأ من خطوة بسيطة بس جدًا سيئة ، العجيب اني لما انسى شوي وانشغل بشي ثاني تختفي اعراض المرض
ولما افكر فيها ترجع مره ثانيه كأني فعلاً مريضة
وكل اسبوعين اوسوس بمرض جديد
ليه اكتب لكم هالكلام ؟ عشان ماتصيرو مثلي
قوقل مو دكتور ودايم الاطباء يحذرو ويمنعو اننا نبحث عن الاعراض الصحية فيه
لأن ماعنده غير ابشع واشنع الامراض الله يعافينا منها ويمتّعنا بالصحة والعافية يارب
وترا الوسواس تطور معي وصرت اذا حلمت حلم اروح افسره بقوقل
ولأني كنت خايفه احلامي كلها بتكون انعكاس لحالتي النفسية وكل
الاحلام تخوف او رموزها مخيفه
وطبعًا لو بحثت بقوقل بيقول سلم على الاهل تنتظرك احداث تعيسه ومصايب??
رغم اني زمان ماكنت افسر اي حلم ولا اهتم
بس الوهم والوسواس يخليك تسوي اشياء ماتبغا تسويها
