ايام العيد قعدت مع شباب جزء منهم اصحابنا من ايام الجامعه وماشاءالله كلهم اتزوجو وفي منهم اللي بعيالهم
وفتحنا موضوع انك ياخ عجزت وشوف ليك عروس بعد ده والكلام المعروف ده
في لحظة كنت جادي معاهم واتكلمت معاهم ب اني ماعايز اتفلسف كتير لكن ياخي والله العرس م بالبساطه التقليديه البتتكلم https://t.co/nrEbZD6fEn
عنها الناس .. قبل تقولو عرس .. هل انتو عارفين الزواج يعني شنو ؟؟
هل انتو فاهمين ده قرار عظيم في حياتك شدر شنو ؟؟
والأهم هل انتو عارفين علاء بيفكر في موضوع الزواج على انو شنو ؟؟
ماهو انا عارف انو في ناس كتيره بتتزوج عشان اسباب كتيره
في ناس نفسها في اطفال وطبعاً ماعندو حل غير يتزوج
عشان يُرزق بالطفل ده ب اعتبار براهو/ها مابقدر يجيبو
وفي ناس بتتزوج عشان امورها في الحياه مابتكون منظمه وجايطه ومحتاج زول/ ه عشان يقدر يكمل نصو الجايط ده ويعرفو يكملو مع بعض
وفي ناس تانيه بتتزوج عشان تشبع رغبات جنسيه طبيعيه جواهو/ ها وطبعاً ديل ماعايزين يشبعو الرغبات دي "بالحرام"
وفي ناس بتتزوج عشان العمر عدا ولازم يلحق او تلحق نفسها بالعرس عشان تجيب ليها شافع او اتنين قبل تكبر
وفي ناس بتتزوج لإرضاء الوالدين والاهل اللي كرهوك الحياة بموضوع الزواج.
انا " شخصياً " والله كل الحاجات الفوق دي مامحفز بالنسبه لي عشان اتزوج
ولا في حاجه منهم بتعادل حجم قرار الزواج
انا لو قررت اتزوج حكون بتزوج عشان خاطر الزوله القدامي دي .. عشان انا عايز اعيش عمري ده كلو معاها هي .. ياخ حتى لو ربنا ماكتب لينا عيال برضو حظل مبسوط لغاية اخر عمري طالما انا لسه عايش وبتنفس وهي مرتي .. بعد عمر طويل العيال حيكبرو ويتوكلو وممكن ينسونا .. لكن حتظل هي معاي
