حمام ياللي بالغصون المشانيف
تنوح مدري هَمْ وإلا سعاده
ذكرتني باللي ما تحتاج توصيف
اللي عليها الجفن مبطي سْهاده
كم مرني طاري وكم زارني طيف
لا ذعذع الغربي يجي مع براده
والبارحة في مجلس الغدر والزيف
مجلس حمد خليفه وفي بلاده
جاني من الدوحة وعيد وسواليف https://t.co/3wYhBgupoY https://t.co/kXeculp7UA
وأقول للأقزام زيدوا زياده
وأقولها واثق ومن دون تكليف
وأعيدها والفائدة بالإعاده
يمناك لا ترفع عصاها على السيف
تجيبك لحدب السيوف القراده
وأنا على حق ومعي سيفٍ رهيف
معي ولد سلمان حزم وسياده
وإلا حمد جاسم خبير الأراجيف
ما شاف شر إلا فرح به وزاده
حتى بلاده ما سلمت منه يا حيف
أحداث غدر الوالدين المُعاده
يا واقفين من الحماقة على جريف
اللي بليا رأي سهل انقياده
وحمد ابن ثامر مكلف بتآليف
أحداث ضد سعود حسب اجتهاده
أوجد قناته للدجل والملاقيف
ما خاف ربه واستحى من عباده
وإن كنت أدور للحمدين توصيف
مثل الجمل يرثع وهو في قياده
يا ربعنا يا أهل قطر يالعواريف
حنا لكم أخوان شعب وقياده
سفينة الدوحة بليا مجاديف
وقبطانها ما هو بيم القياده
يلعب بها عزمي بشارة على الكيف
فاسد وشوفوا وش نتائج فساده
صارت قطر معرّضة للصواديف
خيّم عليها الليل وأظلم سواده
يا أهل قطر حنا ربوع ومواليف
نشعر بضيقة مثلكم وبنكاده
وحب آل ثاني بالضلوع المهاديف
في بال كل سعودي وفي فؤاده
ترى الأخو مهما قسى ماهو معيف
يزعل عليك ويحتفظ في وداده
واليوم ترجون المعزة من ضعيف
قطر على طهران صار اعتماده
من يحتمي بإيران شاف التحاسيف
غرس العدو يا ربعنا وش حصاده
