للمرة التانية انا ما خبيرة، انا بس زولة فضولة بحب اتعلم و اطبق الاتعلمته، في الاول جربت و فشلت كتير لحدي ما عرفت روحي بعمل في شنو، فعشان كدا الثريد دا حيكون عن كل شي كنت متمنية اني عارفاه لمن بديت اعمل العطور حقتي https://t.co/I5WLLUlFJ4

معظم العطور معمولة بي نظام هرمي فيه تلاتة طبقات:

اول حاجة الراس أو الhead/top notes َ دا فيه النوطات الأولية للعطر يعني دي اول حاجة حتشميها لمن ترشي العطر حقك و بقعد حوالي 10-20 دقيقة و عادة بتكون ريحة حمضية (citrus) أو وردية(floral) عشان كدا دايما جربي العطر البتشتريه https://t.co/HXvKtKBEPc

في المحل و خلي يمر عليه زمن مثلا يوم قبل ما تشتري عشان ما تتخلعي انو الريحة اتحولت لي شي تاني خالص بعد كم ساعة،الطبقة التانية بتكون قلب العطر أو the heart/middle note و دي بتقعد حوالي 3_6 ساعات قبل ما تتبخر و دي عادة بتكون من ريحة وردية( floral) أو عشبة(herb) أو معمولة من https://t.co/ebHQePrjsZ

توابل( spices) و خشب(wood) و ديل بدو بعد تاني للعطر حقك، بعد ما دي تتبخر بتظهر الطبقة التالتة المعروفة بي النفحة الأساسية أو الbase note دي هي البتحدد هوية العطر حقك و بتقعد 24 ساعة و بتتكون من اخشاب زي الصندل و العود و التوابل و الفانيليا، ديل عندهم أكبر وزن جزيئي فاكتر طبقة

بتقعد في الجلد.

أجمل حاجة ممكن تحصل لي حاسة الشم حقتك لما تعجبك الريحة النهائية الناتجة من النفحة الأساسية و التفاعل حقها مع الكيمياء حقت جلدك. مرات نفس الريحة بتكون مختلفة تماما من زول لي زول عشان السبب دا.

و ما بس الكيمياء حقت الجلد بتلعب دور كبير في انو كيف العطر حيكون