كثير يوصلني
تغريدات لشباب يطالبون بتسهيل الزواج من أجنبيه
عندي تعليق في ثريد
اولاً
البلاد الأسلاميه أرض وحده
كلنا نعرف من الي قسمها ووزعها بين المسلمين
فمقولة أجنبيه باطله لأن الجنسيات قانون وضعي
في الشرع
(من جائكم من ترضون دينه)
و(فاظفر بذات الدين تربت يداك)
هناك شروط معقده للزواج من غير السعوديين
((من وجهة نظري))
حصر الزواج بجنسيه معينه فيه تعقيد
من حق النساء والرجال يختارون شريك حياتهم
واعتقد انه تعقيد الزواج من خارج البلد القصد منه التخفيف من نسب العنوسه
وبالعكس
هذا التعقيد زاد من نسب العنوسه
للجنسين
لأسباب كثيره
الي يساهم في زيادة العنوسه العادات والتقاليد البائسه وليس الزواج من جنسيه اخرى
شروط الأهالي التعجيزيه
لأن الشاب مضطر للزواج من بنت البلد
وكل الأهالي بيشرطون ف:
((ليش ارخص بنتي )) ((مثلها مثل غيرها))
وتنافس بين العوائل التافهه من يكون حفلهم افخم
وكله قروض على الشاب المسكين
نكون صادقين ونقول كلمة الحق
السبب الرئيسي للبذخ والأسراف الي يصير في الزواجات
هم الرجال نفسهم
يجي الشايب لأهل العروس وبكل خنوع
(الشور عند الحريم )
هل الحريم بتدفع ؟
الحريم بتقترض ؟
انهزاميه عجيبه بالرجال
والرابح الوحيد
المحلات الي تستغفل وتستغل الإمعات الي تدفع بدون عقل
((بنفرح بولدي))((بنفرح ببنتي))
ايش هالفرحه الي تدفعني ١٠٠ الف
لو طُلب منهم يتبرعون بربع المبلغ لأسر محتاجه ما تبرعو فيها
لكن
يجيب فيها طقاقه
تقديمات
ورد على الطاولات واخرها يروح الزباله
وكوشه (انا مو غابني الا الكوشه)
تجلس ساعتين وبعدها ياخذها صاحبها ويأجرها على مغفله ثانيه
