كلنا اتوقع لعبنا RE4 و عارفين أسرارها و خلصناها، لكن في اشياء غامضة و مالها جواب الى يومنا هذا و ذي وحدة من الأسباب الي خلتني اهتم في RE4 اكثر من اي جزء ثاني. اليوم بتكلم عن وحدة من الأشياء الغامضة و ما انذكرت باللعبة بشكل مباشر لكنها موجودة و بننتبه لها مع التدقيق. https://t.co/K3eH2VMdXO

مطورين الألعاب يتجنبوا يضيفوا الأطفال ( و يمكن ما يذكروهم حتى) في العاب مخصصة للبالغين بسبب التعقيد و المشاكل الي يمكن تصير معاهم عشان التقييم العمري. لكن في RE4 (الي تقع احداثها في أوروبا) نعرف بشكل حقيقي فعلاً انه كان في اطفال في القرية، بس ايش صار عليهم؟ و ليه ما شفناهم؟ https://t.co/69xs46rsnZ

عشان يسهل علينا فهم الي صار في اطفال القرية لازم اول شي نستوعب حياة القرويين البسيطة. القرويين عاشوا حياة تقليدية متجاهلين التكنلوجيا الحديثة و أيضاً اي تأثير خارج قريتهم الضخمة و طبعا مثل كل البشر عندهم ترفيه. و كانوا يزوروا كنسيتهم كل يوم احد. https://t.co/GaabTyxuzb

في الحقيقة كانوا عايشين في حياة تقليدية جداً لدرجة انهم لسه يستخدموا عملة "البيزيتا" و ما حولوا لليورو, و أيضاً كانوا أشخاص يؤمنون جدا بالخرافات و الحكايات الشعبية و يحكونها لعيالهم، لكن للأسف وحدة من القصص الي حكوها لعيالهم ما كانت خرافة ابداً.. و هي السبب في كل الي حصل. https://t.co/pT6uOJ18ON

القرية كان يحكمها Ramon Salazar (رامون سلازار) و كان يعيش في قلعة مو بعيده عن القرية. Salazar هو المالك الثامن للقلعة و كان ينظر له بنظرة الحاكم المتطرف، عكس Salazar الأول الي كان يعتبر مثل البطل في أعين الكثيرين لأنه نفى طائفة دينية الملقبة بأسم "los iluminados" من القرية https://t.co/hReZ458aJB