-بالنسبة لتصريحات الحاج أبو حنان بخصوص #سد_النهضة ، انقسمت الآراء لفريقين تقريبا:

• الفريق الأول شايف ان دا فخ بيتعمل لمصر وعلى طول بيستدعوا من الذاكرة قصة استدراج صدام حسين لعزو #الكويت

• والفريق التاني شايف ان ده ضوء أخضر من سيد البيت الأبيض لمصر بضرب السد ? https://t.co/LgFnVCQDCs

- وفيه فريق تالت بس قليل جدا معترض على ان ترامب يدلي بتصريح زي ده وبيقول انه مش من حقه يتكلم باسم مصر أصلا ، وإزاي يدي لنفسه حق انه يتكلم باسمنا واحنا دولة ذات سيادة وليها رئيس وحكومة مستقلة

?

.

• هبدأ في الرد بالفريق التالت ، في الحقيقة ترامب ماكانش بيتكلم باسمنا ، دا كان بيحكي عن اللي حصل في كواليس المفاوضات اللي تمت برعاية البيت الأبيض واللي شارك فيها ترامب شخصيا ، والمفاوضات دي مصر هي اللي سعت إليها على فكرة وهي اللي طلبت وساطة الأمريكان في الملف ده?

باعتبار أمريكا هي القوة الأعظم في العالم شئنا أم أبينا ، فـ ترامب هنا كان بيحكي عن جزء مما دار في كواليس هذه المفاوضات مش بيقول تصريح بالنيابة عننا ، وأكيد الرئيس الأمريكي مش هيقول كلام بالخطورة دي إلا إذا كان الحل ده مصر طرحته عليه أو على الأقل لوحت بيه في الغرف المغلقة?

بالعكس انا شايف ان دا انتصار وذكاء من مصر إنها تخللي رئيس أمريكا بجلالة قدره هو اللي يوصل الرسالة دي لأثيوبيا وبنفسه..

.

◆ بالنسبة بقى للفريق اللي بيقول ان دي مؤامرة أمريكية وفخ لاستدراج مصر وتوريطها في عمل عسكري عشان بعد كده يتم توقيع عقوبات دولية عليها ?