يا وارث مين يورثك ?

مثل بنردده كتير أوى وبنسمعه فى مواقف أكتر وخاصة لما يكون حد مستني ورث كبير من ورا حد قريبه ويقعد يخطط ويرسم الأحلام دا لو الورث جيه يا سلام هاحقق كل أحلامي وفجأة يسمع جملة يا وارث مين يورثك فيرجع يفتكر الموت ?

طب اصل المثل دا ايه وجيه ازاى ? https://t.co/z1L9xJEzBH

علشان كل حاجة وليها أصل فالحكاية بدأت أيام الموت الأسود او الطاعون او زى ما المصريين أطلقوا عليه " الكبة" بضم الكاف، الوباء دا اللى انتشر فى مصر فى عهد أحد سلطانين الدولة المملوكية فى مصر وهو السلطان حسن بن السطان ناصر محمد بن قلاوون فى الفترة من 1347 ل 1350

الطاعون دا قتل من مصر حوالى ١٠٠ ألف شخص وكمان ماتت فيه ام السلطان نفسه..

الطاعون دا كان عامل زى الوحش الكاسر والضحايا يوميا كانت اكتر من الف شخص وطبعا اعمارهم مختلفة والمعروف طبعا بعد موت اى شخص بيتم تقسيم التركة وتتوزع على اولاده او الورثة

هنا القاضى اللى كان مسئول عن توزيع التركة مكنش لاقي حد يورث لان الورثة بيموتوا تباعا بسبب الطاعون وبكدا التركة بتروح لبيت المال...

فبدأ المصريين يضربوا كف على كف ويقولوا ( يا وارث من يورثك ؟) ومن ساعتها والحكمة دى بقت موجودة

وبالرغم من كل الظروف دى كان فيه ناس بياخدوا المواقف بسخرية وتريقة ودا بيفكرنا بالكورونا الوقتي وازاى الناس كانت واخده الموضوع بسخرية وتريقة وكأن التاريخ فعلا بيعيد نفسه ?

طب عرفنا المثل واصله طب ازاى الدولة المملوكية قدرت توجه الطاعون دا وجيه لينا ازاى ؟