ثريد ||

أغلبنا يعاني من مسألة المذاكرة فأحياناً نذاكر لفترات طويلة بس للأسف النتيجة ما تكون مرضية وكأنك ما ذاكرت شي، فقررت ألخص لكم محاضرة (Marty Lobdell) الي تكلم فيها عن "كيف نذاكر اقل بس بذكاء" وراح أحط رابط المحاضرة آخر شي وإذا كنت مشغول فضّل التغريدة وارجع لها بعدين. https://t.co/fdP0pYoWmX

قبل لا ابدا بما ان عدد متابعيني قليل ف دعمك للتغريدة برتويت يعنيلي الكثير وان شاء الله نحاول نفيد بعض قدر الإمكان، وبسم الله نبدأ

أول شيء لازم بين فترة وفترة تاخذ راحة وعلى كلام الدكتور ان أقصى مدة ممكن تذاكر فيها بشكل متواصل هي ٣٠ دقيقة بعدها تاخذ راحة بحدود ٥ دقائق تنشّط فيها نفسك ممكن تمشي فيها أو تمدد جسمك المهم ما تلهيك أشياء ثانية مثل التلفزيون أو التلفون حاول مكتبك يكون فاضي تماما من المشتتات. https://t.co/pKyTSz0YNk

ثاني نقطة المكان الي تذاكر فيه، وكلنا عارفين ان المفروض ما نذاكر في مكان فيه تلفزيون أو على السرير بس أحيانا ما الكل عنده غرفه خاصة بالمذاكره وهنا الدكتور عطانا طريقة راح تفيدك كثييير والقصد منها انك ما تشتت عقلك وذهنك بشيء آخر غير المذاكرة والطريقة كالتالي :

“Studying Lamp”

الطريقة هي انك تشتري لمة مكتبية صغيرة وكل ما تجي تذاكر قفّل كل الأشياء الموجودة حولك باستثناء اللمبة هذه بعدها عقلك اللاواعي راح يستوعب ان هذا الوقت وهذه الوضعية هي للمذاكرة فقط لا غير وبيساعدك انك تركز في مذاكرتك، جربّها وبتفرق عندك صدقني. https://t.co/7cKGXxtL3f