هتسمع النهاردة في الإعلام التركي الناطق باللهجة المصرية كلام كتير جدا عن تفريط مصر في مساحات كبيرة من منطقتها الاقتصادية الخالصة في البحر المتوسط.. الكلام ده كذب..هتسمعه علشان خطوة ترسيم الحدود مع اليونان هتضر بشكل مباشر بمصالح التنظيم التوسعي الحاكم في تركيا،

يتبع 2?

اللي حاول يفرض واقع مغاير في المنطقة بالبلطجة من خلال اتفاق غير شرعي مع حكومة السراج منتهية الصلاحية في ليبيا، بالحدود اللي هو عاوزها واللي كل دول المنطقة مش موافقة عليها.. مصر رسمت الحدود مع اليونان بناء على اتفاقية الأمم المتحدة لقانون البحار،

يتبع 3?

الاتفاقية دي مصر وقعتها مع أكتر من 160 دولة في التمانينات، وهي بالنسبة لنا القانون الدولي اللي بينظم ترسيم حدودنا البحرية..

القانون ده بيدي حقوق للجزر زي أي إقليم بري تاني، يعني لو في جزيرة يبقى من حقها يكون عندها منطقة اقتصادية خالصة "200 ميل بحري"..

يتبع 4?

إردوغان مش عاجبه القانون ده لإن الجزر اليونانية اللي في البحر المتوسط وقريبة من سواحل تركيا واخدة من المنطقة الاقتصادية الخالصة اللي هو بيحلم إنها تكون موجودة..

يتبع 5?

طيب هو مش عاجبه القانون.. حقه.. بس احنا مالنا؟ ليه يتصرف مليارات على إعلام تركي ناطق بالمصرية علشان يوهمك إن بلدك بتفرط في حقك؟ الإجابة ببساطة علشان مايبقاش بيحارب لوحده.. علشان يلاقي طرف تاني في المنطقة بثقل وأهمية مصر بيرسّم الحدود بطريقته..،

يتبع 6?