اذا كل بيت عربي ياكلون مصادر الكالسيوم (لبن، بيض، حليب..الخ) بشكل يومي، ليش عندنا مشاكل في العظام و اذا كبرنا صار عندنا هشاشة؟
كالعادة محد علمنا ان الكالسيوم ماهو الا عامل له ٦ عوامل مساعدة، لو صار في احدها خلل ما راح يمتصه الجسم صح و بيصير ضرر الحليب اكبر من نفعه?
مثال: اذا كنت تبغى ترسل ايميل لشخص، هل يكفي انك تكتبه و تتوقع انه خلاص انرسل؟
الواحد لازم يتأكد ان عنده جهاز، انترنت، ايميل، و كييورد.و لازم الشخص المستقبل يكون عنده نفس الاشياء صح؟
الكلام مشابه للي يصير في جسمنا. عشان نوصل الكالسيوم للعظم و الدم لازم العوامل المساعدة كلها تشتغل
العوامل المؤثرة على الكالسيوم:
١) هرمون الغدة الجار درقية (و الدرقية)
٢) نسبة حمضية الدم
٣) الاحماض الدهنية
٤) المعادن (مغنيسيوم فسفور بوتاسيوم)
٥) فيتامين د
٦) الماء و كفاءة وظائف الكلى
اذا اختل احدهم توقعوا هشاشة، خشونة الركب، عظمات زائدة في الكعب و الكتف،حصوات الكلى و غيره
درجة حموضة الدم الطبيعيه بين ٧.٢ الى ٧.٤
اذا صار الدم حمضي، الجسم ياخذ كالسيوم (قلوي) من العظم و يحطه في الدم عشان يخفف الحموضة، و اذا صار الدم قلوي زيادة يرجع الكالسيوم للعظم لين توصل الدرجة المطلوبة.
- هرمون الغدة الدرقية و جار درقية و فيتامين د هم المسؤولين عن هذي العملية.
• فيتامين د دايم مرتبط بالكالسيوم لانه يساعد على امتصاصه، يسحبه من العظم و الانسجة في حالة حموضة الدم، و يخفف من نسبة الكالسيوم اللي تخرجه الكلى.
- اما الاحماض الدهنية (اوميقا ٣ و غيرها) فتساعد انها تنقل الكالسيوم للخلايا و ترفع نسبته في الانسجة.
