"مبدأ تقسيم العمل"

سلسلة تغريدات راح اتكلم فيها عن هذا المبدأ من زاوية تجارية، وحيكون الكلام بالامثلة الواقعية.

التاجر المبتدئ ممكن يجي في نفسه انه يسوي كل شي وانه عنده قدرة وطاقة يقدر يستغلها.. مثلا:

في فترة ما كنت استورد من الصين اكسسوارات جوالات وابيعها لجملة الجملة، ثم يجي تاجر جملة الجملة يبيعها جملة ثم قطاعي وهكذا..

بعد سعودة القطاع كان يقول لي تاجر القطاعي المبتدئ:

ليش اخذها منك و اكسبك؟ اروح اخذها بنفسي من الصين واكسب اكثر.

وكنت اعذره لانه في الحقيقية مايعرف

مبدأ تقسيم العمل، ومايعرف انه لو راح اشتراها بنفسه ماراح يطلع كسبان، لاسباب منها:

• في الصين ينخفض السعر اذا زادت الكمية، فانا كمورد اخذ كميات كبيرة عشان ابيع جملة الجملة، فالسعر ينخفض.
• كل مازادت الكمية تنخفض بقية المصاريف مثل الشحن وشهادة ساسو (مثلا تدفع شحن 1000

وشهادة ساسو 500 المجموع 1500، لو اشتريت 100 قطعة كصاحب محل قطاعي حتقسم ال1500 على ال100 قطعة، لكن لما تشتري 1000 قطعة كمورد وتقسم عليها ال1500 حتطلع التكلفة عليك ارخص).

وغيرها.

طيب، ليش تشتري مني وتكسبني؟

لان هذا مبدأ تقسيم العمل، انا ما اقدر اصير سوبرمان واستورد وابيع قطاعي

واسوي صيانة .. الخ، وانت نفس الشي، عشان كذا كل واحد مننا يقوم بدور معين يكسب من خلاله واللي بعده يكسب وهكذا (اللهم ارزقني وارزق مني).

وكمثال اخر كلمني احد الاخوة الافاضل يطلب رأيي في مشروع هو يتعاقد على تأسيسه ثم بعد كذا يعطي ادارته وتشغيله لشركة ثانية، فكان يسأل هل كذا صح