فاروق لما اتجوز فريدة خطبها من جوه القصر ، صحيح ماهياش من الأسرة العلوية ولا من فروعها ، إلا أنها ربيبة القصر الملكي وأمها وصيفة ملكية ووالدها عاش في كنف القصر طول حياته.
قوم فترة الخطوبة امتدت بس لزمن تجهيزات الزفاف مش اكتر، لأن فريدة مكانتش محتاجة إعداد وتجهيز من اي نوع https://t.co/FBINGqJrWS
لكن مع ناريمان الموضوع كان مختلف ، صحيح هي من بيت عريق لكن في النهاية فتاة عادية بلا أي احتكاك سابق بحياة القصر ومتطلباته . لذلك راحت ايطاليا علشان تتعلم كيف تظهر كملكة!!
البروتوكول و الاتيكيت الملكي مموضوع مش سهل ولازم الملكة مش بس تعرفه وتلم بيه لأ ده لازم يبقى أسلوب حياتها https://t.co/2OKMKcEHTK
هو البروتوكول يختلف عن الاتيكيت ؟
آه طبعا !!! البروتوكول ده تقدروا تقولوا عليه الدستور و الاتيكيت هو القانون اللي بيطبق الدستور!!
يعني جلسة الملك والملكة على سفرة الطعام وترتيبها و أماكنهم ده بروتوكول .
طريقة تناول الطعام وطريقة الجلوس نفسها وطريقة القيام من على السفرة ده إتيكيت
البروتوكول أهل القصر بيلموا بيه إلمام عام ، لأن فيه ناس شغلتها تنفيذ البروتوكولات وتنظيمها واطلاع البلاط عليها.
على سبيل المثال كتابة دعوة الغذاء مع الملك لازم تبقى صيغتها رسمية وصريحة و تحتوي على شروط الظهور أمام الملك والمواعيد ورقم الطاولة والكرسي . كل ده بيعمله التشريفاتية
لكن الاتيكيت بأن ده أسلوب حياة ماحدش بيقول بمهامه مكان حد. لما سألوا أبلتي اليزابيث ليه الاتيكيت معقد وبيخلي حياة القصور صعبة
قالت الهدف من الاتيكيت ليس تصعيب الحياة ، فهو فقط من أجل أن نكون مهذبين ، لم قد يكون التهذيب معقدا ؟!!
مش سهلة بردو ست ابوها https://t.co/hwgrakp3Bd
