مساء الخير....

ولو إنتوا مش متابعين أخبار الكوكب...

هاتوا كوباية الشاي وتعالوا ناخد لفة ف الكوكب....

‌ومطولش عليكوا وقولولي طول....

♦️ إيران....

لو عايزين تعرفوا هو إيه اللي بيحصل ف إيران يبقا لازم أحكيلكوا القصة من الأول...

إيران لما وعدت امريكا بالعودة للإتفاق النووي وزيادة انتاج النفط وامريكا وعدتها برفع العقوبات

امريكا بقا حلمت انها هتغرف من البترول الإيراني وخلاص لقيو مغارة علي بابا ....

دهب ...ياقوت ....بترول احمدك يارب

وامريكا ساعتها قالت...

لو ايران وقعت على الإتفاق النووي ودخلت سوق البترول يبقا كدا إتعشت معانا اوي

بس إيران بقا هوووب دبل كيك يامعلم ضربت كرسي ف الكلوب وقالت بالبلدي كدا اتفاق نووي مين يا إدلعدي يلا يا حبيبي روح إلعب بعيد

وهش هش يا ديك .... النفط دا مش ليك

بس برضوا إيران مسكتتش على كدا....

وراحت إترمت فحضن روسيا والصين

و اكلت امريكا و اوروبا حتة دين قفااا ودخلت منظمة شنغهاي ووقعت على ٥٨ اتفاقية تعاون مع المنظمة

مش كدا وبس ...

دا رئيسي رئيس ايران لما راح إجتماع الامم المتحدة راح رافع صورة قاسم سليماني ف قلب الجلسة...

وقالهم وحياة دم الراجل الطاهر ده اللي دمه لسه منشفش ما انتوا شايفين نقطة بترول واحدة

كيادة اوي إيران.

تسكت امريكا على اللي عملته إيران ابدا

الناس ف ايران نامت وصحيت لقيوا الدنيا مقلوبة ف الشارع ومظاهرات ومسيرات

وواحدة ماتت فمركز الشرطة اسمها مهسا اميني علشان مش لابسة حجاب !!