تعالوا احكيلكم ازاي اتسببت مية زمزم في انتشار وباء الكوليرا في صعيد مصر في أوائل القرن العشرين بطريقة ولا الخيال???

سنة 1966 صدر كتاب حياة طبيب للطبيب المصري الرائد نجيب باشا محفوظ ..ايوة زي ما سمعتوا كده الطبيب نجيب محفوظ واللي اتسمى على اسمه أديبنا العالمي نجيب محفوظ ... https://t.co/cuYRXkfHtp

نجيب باشا محفوظ كان من رواد الطب الحديث في مصر خصوصا طب النساء والتوليد لكن القصة اللي هنحكيهالكم واللي اتذكرت في كتابه اللي حياة طبيب مكانش ليها اي علاقة بالنساء والتوليد..

نجيب محفوظ الطبيب الشاب اللي كان لسه متخرج سنة 1902 ومع أول دخول ليه في عالم ممارسة الطب كان على معاد

مع حدث استثنائي أصاب صعيد مصر في الفترة دي وهو تفشي وباء الكواليرا...

في السنة دي كان تفشي الوباء خارج مصر تحديدا بين الحجاج في مكة ومصلحة الصحة العمومية خدت القرار بعمل حجر صحي في سينا لكل اللي راجعين من الحج وفعلا تم السيطرة بالكامل على اللي راجعين من الحج والدولة كانت سعيدة

بالإنجاز ده لحد ما حصل اللي محدش يتخيله...

ظهرت حالات لوباء الكوليرا في قرية في أسيوط اسمها قرية موشا.."طب ازاي يا جماعة والحجر الصحي...والاجراءات الاحترازية...والانجاز اللي اتحقق...كل ده طار في الهوى مع ظهور الوباء وتزايد عدد الحالات ومن هنا تم إعلان الطوارئ في الصعيد

وفي القرية الموبوءة وبسرعة تم عزل القرية وتأمين مخارجها ومداخلها وارسال أفضل الكفاءات الطبية المتخصصة هناك وعلى رأسهم "جودمان " وطبيب من الجيش الانجليزي سبق له أن كافح " الكوليرا " في الهند، وهو الدكتور "روانتري" وكمان قررت الحكومة وقتها تجنيد طلاب الطب خاصة طلبة السنة النهائية