١- بمناسبة الويك اند وانا فاضي ورايق كده هكتب ثريد طويل و مهم عن الميلانوما (سرطان الجلد الاسود).

هبتدي بالصورة دي.

شايف فيه كام حسنة عالضهر ؟

كتير...بس واحدة منهم اللي عليها السهم ميلانوما سرطان الجلد الاسود رغم ان شكلها مش فارق عنهم كتير.

يتبع https://t.co/JQpkibh6u7

٢- نفس البقعة الصغيرة اللي شفتها فاول صورة لو متشخصتش بدري واتعالجت هتكبر وهتعمل منظر بشع...محبتش انشره عشان محدش يتخض وعشان اظن تويتر هيعتبر الصورة دي بشعة.

ده بخلاف انها لو متشخصتش بدري هتعمل

Metastasis

وهتنتشر فالجسم وللاسف بتموت.

٣- بسبب خطورة الموضوع ده فالدول الاوروبية فيها نظام

Screening

او فحص مبكر للميلانوما.

كل واحد فوق ٣٥ سنة هنا لازم يروح لدكتور جلدية يفحص كل حسنات جسمه كل سنتين عالاققل (التامين هنا بيتكفل بيها كل سنتين).

عشان التشخيص المبكر فالحالة دي مهم جدا وبينقذ حياة ناس

٤- هنا لازم نفرق بين الميلانوما اللي بيلقطها الدكتور فالفحص المبكر والعيان مش حاسس بحاجة (زي اللي فاول صورة فوق) والميلانوما اللي بيلقطها العيان بعد متكون كبرت وبانت (ودي للاسف بتكون كبرت وممكن تكون عملت مشاكل).

٥- مين اكتر فئة من الناس اكثر عرضة للاصابة بالميلانوما ؟

١) لو فيه حد فعيلتك او قرايبك جالهم ميلانوما قبل كده

٢) لو جلدك فيه حسنات ووحمات كتير بالاخص لو حسنات حجمها كبير

٣) لو جلدك ابيض اوي وشعرك اشقر وعنيك زرقا زي الاوروبيين او لو امهق (البينو).