نصيحة لأي شخص يبي يفتح بزنس (مطعم مقهى عصير) العرض الان اكثر من الطلب .. يعني بالعربي نسبة حظوظك ١٠٪ او اقل .. الحالة الوحيدة الي ممكن تنجح فيها انك تجيب شي ماسبقك فيه احد .. غير كذا انت جالس تحرق فلوسك خلها بحسابك احسن لك
او بأحد الشركات بسوق الاسهم الي تعطيك عائد سنوي
مشكلة الي بيدخل السوق جالس يشوف براندات قوية وناجحة ويقيس عليها ان السوق محتاج والسوق زين ..ولكن لو جلس فترة يراقب البقية وشاف الحركة عندهم ما كان دخل السوق من اساسه
اعتقد ٣٠٪ من البزنس في مجال الأطعمة راح يغلق خلال سنتين او ثلاث.. طبيعي السوق يصحح نفسه .. البقاء للافضل ..
مشكلة الي داخل السوق يشوف افضل الأحتمالات بينما المفروض يشوف أسوأ الاحتمالات
مثال بسيط السوق فعلياً صار يشتغل
٦ شهور فقط
عندك ٣ شهور موسم(مدينتك)الناس تصرف فلوسها هناك محد بيجيك
٣ شهور صيف مع رمضان الناس مسافره
نزول المبيعات بال٦ شهور الي قلت لك يعاني منه الكبير كيف بالصغير
كلامي عن المدن الكبيرة
وختاماً اذا وصلت نقطة تعادل في البزنس اكثر من ٦ شهور نصيحة اغلق البزنس لانك بعدها بتدخل بخساير وتدفع من جيبك وراح يأثر هذا على صحتك وعائلتك وهذي اشياء اهم مليون مرة من الفلوس..
هذي وجهة نظري .. والله يوفق الجميع ويرزقهم من واسع فضله
