ليه الوضع فى ايطاليا بقى كارثى بالشكل ده وتخطت الصين فى معدل الوفيات ، ليه معدل انتشار المرض هناك مرعب ووصلنا ان معدل الوفيات بقى +200 حالة يوميا والاف من نتائج التحليل ايجابية ، ملخص سريع لاسباب تفشى فيروس كورونا فى ايطاليا فى اقل من شهر ونص فى الثريد ده

فى 29يناير ايطاليا اعلنت عن اول حالة مصابة ب فيروس كورونا ، ل اتنين سياح صينيين ، بعدها بيوم رئيس الوزراء الايطالى "جيوسيبى كونتى" أعلن حالة الطوارئ ، وحظر السفر او استقبال اى رحلات من الصين كأول دولة فى العالم تاخد الاجراء ده ضد الصين ، و أكد فى خطابه يومها عن الوضع تجت السيطرة.

الامور فضلت مستقرة فى ايطاليا لحد يوم 18 فبراير، شاب ايطالى فى مدينة كودونو في إقليم لومبارديا شمال إيطاليا ، 38 سنة دخل المستشفى بسبب ارتفاع درجة حرارته لمدة يومين ، الطبيب المعالج شخَص حالته ب حمى شديدة وتم السماح له بالعودة ل بيته .....

يومين بس وفى 20 فبراير حالة الشاب الايطالى تبقى اسوأ واسوأ يرجع المستشفى تانى ، وبعد التحاليل يتم تأكيد اصابته بفيروس كورونا كأول حالة مسجلة فى ايطاليا ، تم وضعه فى مستشفى محلى فى "بافيا" ، مع وجود تعامل بشكل دائم مع الفريق الطبى و الممرضين والعمال بدون عزله ووضعه فى الحجر الصحى.

بشكل قاطع دى الشرارة الاولى فى انتشار المرض فى ايطاليا خصوصا فى طاقم العمل بالكامل فى المستشفى او الاشخاص اللى زاروه ، فى 23 فبراير وبعد ما حالات الاصابة بدأت تزيد ، ايطاليا سجلت اول حالتين وفاة بسبب فيروس كورونا ، وقتها تدخلت الحكومة وعملت lockdown ل كودونو و 10 مدن مجاورة لها