منقول ..كلام زول ميكانيكى فى السوق لكن صحيح ميه الميه..!الناس البتسال بشة كان ممشي البلد كيف ?أوريك كان ممشيها كيف عشان توري الزول الرسل ليك الرسالة دي.
اتخيل زول حرامي بليد سايق عربية حقت زول شغال بيها تكسي او ترحال. يقوم بدل يشغلها كل يوم ، قعد يفككك فيها اسبير اسبير
اسبير ويبيعو .... يوم البطارية ويوم اللساتك ويوم القزاز.... وهكذا قاعد ياكل ويودي قروش لصاحب العربية الفاكرها شغالة وهو ما عارف انو السواق بيشلع فيها !!اها بعد داك العربية فضلت على الشاسية ، جا صاحب العربية و جاب سواق جديد ود ناس واداها ليهو قال ليهو صلح العربية دي وشغلها .
اسه السواق قاعد يلقط في الاسبيرات والمكنة واللساتك عشان يدور العربية....
في ناس عندنا هنا في السودان عارفين انو السواق الجديد استلم شاسية بس لكن برضو قاعدين ينبحوا فيهو : ياخي دور لينا العربية دي !!
عرفت بشة كان ممشي البلد دي كيف؟.
حتى جيشك باعو وجواز سفرك باعو ، وسودان اير باعها.. والنقل النهرى باعو.. والخطوط البحرية باعها..ولما خلص كل حاجة مشى يشحد العالم باسمكم !
اقرا الكلام ده وقول شكراً للثورة الحصلت ليكم الشاسية...!
