بشوف ناس كتير هنا بتكتب عندي أعراض كذا وكذا يارب يكون دور برد عادي ولأني عشت تجربة قاسية مع أخويا مش عاوزة حد يتعرض لها
هاكتب ثريد أقرأوه كويس لعل معلومة فيه تنقذ حياة حد أو توفر عليه عناء دخول المستشفي وخوض تجربة مريرة لا أتمناها لأحد
+1
أخويا ظهر عليه أعراض تكسير عضم ورشح بدون حرارة قال ده دور برد شديد شويه
أنا قولتله مبقاش فيه حاجة إسمها دور برد شديد كلها بقت كورونا خلاص روح اكشف وأبدأ في بروتوكول العلاج فورآ
أخويا قاوم شوية حوالي خمس أيام كان إتمكن منه الدور ونقله لكل العيلة
العيلة الكبيرة مش عيلته الصغيرة
+2
المهم بعد خمس أيام راح كشف الدكتور قاله نفس الكلام ال أنا قولته مبقاش فيه حاجة إسمها دور برد عادي بنتعامل معاه على أنه كورونا حتى قبل pcr أو بدونه
أخويا لف على أربع دكاترة
كل دكتور بعلاج وبروتوكول مع نفسه ومفيش ولا واحد فيهم طلب أشعة على الرئة
القصة دي كلها أخدت حوالي 11 يوم
+3
الجزء الجاي ده مهم جدآ
أخويا مكنش عنده حرارة ولا بيكح والأكسجين كويس
الدكاترة كلهم كشفوا على الرئة سماعي وقالوله كله تمام كمل عزل وعلاج في البيت
أنا قولتله روح أعمل أشعة على الرئة بلاش تستني كل الفترة دي
هو سمع كلام الدكاترة
وأتاري الفيروس شغال على الرئة بدون حرارة وكحة
+4
المهم بعد 11 يوم ولف على أربع دكاترة مفيش واحد فيهم طلب أشعة على الرئة
أخويا حالته إتدهورت جدآ
والرئة وصلت للمرحلة الرابعة من تأثير الفيروس عليها بدون حرارة ولا أعراض تنفسية
( مهم )☝️
ولولا دكتور جاله البيت أعطاه حقنة تجلت وحوله للعناية المركزة فورآ معرفش كان ممكن يحصل أيه
+5
