سبب مهم من أسباب التشتيت والتوهان اللى بيعيشه معظمنا في كل جوانب حياته، يمكن اختصاره في مصطلح الـ FOMO .. أي حد دارس وممارس للتسويق يعرف الـ FOMO كويس، لأن طبيعة عمله كلها قايمة عليه بشكل كامل تقريباً.

by عماد أبوالفتوح https://t.co/lPySD5dIrS

الـ FOMO يعني الخوف من فقدان فرصة يبدو أن الجميع يركض وراءها .. الـ Fear of missing out .. الاستراتيجية الاهم في عالم البيع لإجبارك على شراء أشياء لا تحتاجها ، بل ولم ترد في ذهنك اصلاً.

الفومو هو اللي يجعلك تقف امام رفّ في مول بيقولك ان فيه عرض على الكورن فليكس، رغم انك https://t.co/zjBlUFwMba

بالرغم أنك لا بتحب ولا فكرت ولا خطر في بالك تاكل كورن فليكس. لكن العرض عليه تخفيض، والرفّ عليه زحام من الناس .. فتشتري انت كورن فليكس ، مش لأنك محتاجه وإنما للشعور بالرضا انك ( لم تفوّت الفرصة اللي سعى لها الآخرين ).

الخوف من فقدان فرصة ما ، دون ان تكون في حاجة لها ولم تفكّر فيها أصلاً. الناس كلها اتجوزت وانت لا .. فتقلق رغم ان الزواج مش أولوية قصوى لك حالياً ، فتروح تتزوّج أي زواج لمجرد الشعور بالرضا انك انضميت للقافلة، وليس بناءً على تخطيط منظّم يراعي احتياجاتك وشخصيتك وظروفك الحالية.

الناس كلها سافرت الخليج وانت لا، تبحث عن عقد عمل في الخليج وتسافر وتتصوّر سيلفي في الرياض أو دبي عشان تشعر بالرضا انك اصبحت واحد من هؤلاء. الناس كلها بتعمل startup ، فتستقيل من وظيفتك وتعمل ستارت أب عشان مسمّى الـ Founder لمشروع تعمله بأقل قدر من الدراسة والتخطيط.