القمر دي جت قعدت جنبي ف القطر .. قالتلي ياحلو قولتلها انتي اللي قمر ❤ طلعت اكل وحلفت عليا آكل معاها .. رايحة فين يا امي قالتلي بورسعيد ومن هناك علي سينا .. انا من تلا منوفية ورايحة لأبني ف سينا .. ابنك شغال فين ف سينا قالتلي وف عيونها دموع حالفة ماتنزل :- قبره ف بير العبد !?? https://t.co/hOyGxdEqYE
وقع عليا سهم الله وماعرفتش اقول ايه .. تقولي ماتزعلش دا عايش عند ربه وانا اقولها اه يا امي .. تضحك وتقولي هيبعتلي هدية عيد الام م الجنة وانا اامن علي كلامها وادعيله .. عيونها تدمع وتحلف انه وحشها .. 6 شهور من يوم استشهاده ومش عارفة تعمل ايه من غيره .. مش عاوزة عمري يطول يابني?
عاوزة اشوفه قولتلها حي ورب الكعبة بس انتي ادعيله .. تبعت تجيب بقروشها القليلة قرص وحلويات وتأكل كل اللي ف القطر وانا اشوفها وعيوني تدمع .. تديني قرصة وتقوللي كل وماتبكيش اخدها منها وادمع.. تقوللي دي علي روحه اقولها ربنا يتقبل .. تقوللي شايفاه فيك اقولها هو انا اطول ؟! تدعيلي?
وتدعي لكل بني ادم ف القطر وعلي شفايفها ابتسامة وف عنيها بحر دموع .. ادعيلي ياولدي اروحله ويرتاح جلبي اقولها خليكي منورة دنيتنا .. تقولي نوري ونور عينيا راح بعده اقولها كلنا ولادك واخواته .. القلب ماعاد يستحمل ياولدي يادوب الحق اشوف حبيبي وافضل جاره .. ??
وابكي والمجند الغلبان اللي قاعد جنبنا يبكي ويبوس ايدها .. ادعيلي يامه تقوله وهي بتضحك :اما تاكل الاول
عن أمهات شهدائنا اللى احنا بعد ربنا سبحانه وتعالى عايشين بفضلهم علينا جميعا علشان بعد دا كله يطلع زبالة المجتمع من فنانين ولعيبة الكورة وغيرهم كل يوم فى قطر وتركيا وغيرها
منقول
