عايزكم تتخيلو معايا مثلا مثلااا يعنى وصلتو انكم اعجبتو ب حد و تبادلتو نفس المشاعر و بعدين جيتو بقي تتكلمو و تتعرفو على بعض اكتر ف هتفتحو مواضيع ازاى ؟ طب هتسالو بعض ف ايه ؟

و ده موضوع ثريد النهاردة هكلمكم عن طريقة تفتحو بيها مواضيع و كلام يعرفكم الطرف التانى اكتر يارب يعجبكم❤️

عايز فى الاول اتفق معاكم على 3 قواعد اولهم ان لازم يكون الشخص اللى قدامك عايز يتكلم معاك اصلا متروحش لحد مش عايز يكلمك و تقوله تعال هفتح معاك مواضيع بالعافية لان بمنتهي البساطة لو جبتله يوسف زيدان يفتحله موضوع برضه هيزهق و مش هيبادله الكلام ف مهم يكون فى قبول من الشخص التانى

تاني قاعدة و هي ان سهل اوي انك تخش تقول لواحدة انا غارق فى جياهب عينك المرمرية المليئة بورق العنب الملمن تعالى نعرب الملمن و تحرقو ف وقت بعض و فى الاخر تطلعو ب ولا حاجة ف اساليب النهاردة لفتح المواضيع هدفها انك تتعرف اكتر عالشخص اللى قدامك مش مجرد فتح مواضيع و خلاص

تالت حاجة ان لو انت بطبيعتك ايس بريكر و بتعرف تتكلم ف هتلاقيك بتعمل الكلام اللى هقوله لوحدهم فاعتبر دى مراجعه

وبعدين لحظة انت ايس بريكر ايه جايبك هنا ؟ امشي روح رد عالناس الى فاتح معاهم كلام و معلقهم و سايب اخواتك هنا مش عارفين يفتحو موضوعين على بعضهم

ويلا بينا احنا نبتدي طريقتنا

اثناء تصفحي للبرنامج المفضل رقم ٢ ليا وهو اليوتيوب - حيث ان رقم ١ هو الجاليري عشان مليان صورها -

وجدت العديد من الفيديوهات اللى بتتكلم عن ازاي تبدأ تتكلم و ازاي تفتح مواضيع مختلفة و 200 و 300 سؤال تسالهم للكراش للاطمئنان على صحته/ا النفسية و بتاع و لكن ليا وجهة نظر ف الموضوع ده