? مكينة #تويوتا 2.5 لتر تعتبر أعجوبة هندسية في هذا الوقت، ومن أفضل المحركات اللي تجلّت فيها عقلية مهندسي تويوتا. وأفضل محرك 4 سلندر حاليًا. لكن ليش؟

تويوتا قررت انها تنتج محرك معقد، لكن معقد بالطريقة الصح! تخيل ان فيه 4 بلوف للحرارة !

قدرت تصمم محرك 4 سلندر حجمه ماهو صغير وبنفس الوقت استهلاك ممتاز ويعطي أعلى أحصنة عن كل المنافسين ومحرك بجودة عالية ويعيش رغم التعقيد اللي فيه.

والمحرك موجود على عدة #سيارات تويوتا

? هذي سلسلة قصيرة من خمس فقرات اتناول فيها أبرز عناصر التقدم بالمكينة بشكل مختصر.

? ولا تنسى تضيفني بالبرنامج الأصفر بنفس اليوزر:

omar2drive

1/5

? دايناميك فورس:

المحرك معروف 4 سلندر سعة 2.5 لتر نزل أول مرة على #سيارة كامري 2018م، وهو من عائلة محركات "دايناميك فورس" والمقصود هنا هو تصميم منفذ الانتيك داخل غرفة الاحتراق، صارت الزاوية أعرض ومنفذ دخول الهواء صار مستقيم، هالشي يعطي سرعة وانسيابية في دخول الهواء واختلاطه بشكل أفضل مع البنزين، والنتيجة هي كفاءة أعلى في الاحتراق وزيادة القوة الحصانية بشكل بسيط.

المحرك يعطي مابين 201-206 أحصنة على 6600 دورة بالدقيقة. والعزم 253 نيوتن على 500 دورة بالدقيقة. سبب العزم المرتفع هو تصميم قطر السلندر اللي صار أقل عرض وأكثر طول، وبالتالي شوط بستم أطول ومعها يزيد ناتج العزم.

2/5

? نظام التزييت:

المحرك فيه طرمبة زيت بضغط زيت متغير بشكل مستمر. ضغط الزيت ما صار مرتبط بدورات المحرك، بل هو متغير بحسب الحاجة، لو شغلت السيارة بالشتاء راح يرتفع ضغط الزيت على دورات مكينة اقل إلى أن يسخن المحرك للدرجة المثالية، واذا ماشي على الطريق السريع يصير الضغط منخفض للشكل الكافي بدل ما تستهلك عمر طرمبة الزيت وحتى تخفف الحمل على المكينة وتحسّن استهلاك البنزين.

والضغط يتغير بحسب الحاجة في أي وقت بحسب قرارات كمبيوتر السيارة اللي متابع كل شي عن طريق المستشعرات.

3/5

? نظام التبريد:

اغلب السيارات فيها بلف حرارة واحد أو بلفين بالكثير. محرك تويوتا 2.5 فيه أربع بلوف للحرارة!

⁃الرئيسي الأول هو بلف حرارة للمكينة. وهذا البلف فيه سخان يسخن البلف بسرعة عشان يفتح في حال انك دعست بالسيارة وهي باردة واحتاجت المكينة للتبريد.

⁃بلف حرارة للقير، بحيث انه يفتح أبطأ عن المكينة لأن القير مافيه احتراق داخلي يسخنه بشكل أسرع في الجو البارد.

⁃بلف سخانات المكيف، بحيث يقفل الماء عن نظام تسخين المكيف في الصيف لأنك ما تحتاجه، ويوجه الماء للمكينة والقير لأنها بحاجة أكثر للتبريد.

⁃بلف تبريد نظام EGR، هالنظام في كل السيارات تقريبًا واللي هو ياخذ جزء من غازات الاقزوز ويرجعها للمكينة عشان تحرقه مرة ثانية ويخفف الانبعاثات. هالنظام فيه تبريد عشان يبرد الغاز الساخن وهذا موجود في عدة سيارات، لكن في محرك تويوتا يوجد بلف حرارة عليه، هذا البلف يكون مقفل اذا السيارة باردة او بالشتاء عشان الغاز الساخن يسخن المكينة بشكل أسرع وبعدها يفتح عشان يبرد الغاز.

? وطرمبة الماء بالسيارة كهربائية، بحيث ان لها سرعات متعددة كثيرة يتحكم فيها الكمبيوتر على حسب الاحتياج، اذا كنت بالصيف والجو حار جدًا او استعمال شاق وزحمة تزيد سرعة طرمبة الماء عشان تبرد المكينة، وبالشتاء البارد او في السواقة بالطريق السريع تخفف سرعتها لأن الماء يبرد تلقائي.

وبنفس الوقت وجود طرمبة ماء كهربائية يخفف الحمل عن المكينة وبالتالي مافيه طاقة مهدرة.

4/5

? نظام الحقن:

المحرك فيه 8 بخاخات، 4 منها ضغط عالي حقن مباشر داخل السلندر، و 4 منها متعدد النقاط MPI تكون قبل البلوف، هالطريقة تمنع تراكم الكربون على البلوف من الخارج. والكمبيوتر يتحكم بشكل كامل في نظام البخاخات، يقرر اذا يشتغلون مع بعض او حقن مباشر لحاله او متعدد النقاط لحاله

هالنظام ماهو جديد ولا حصري على المحرك، لكن لابد نذكره.