ده ثريد لأبوي الفقدته فجر الأثنين 17 رمضان 2020 https://t.co/pnuSY5VKsq

شهر رمضان تغلق فيه ابواب النار وتفتح فيه ابواب الجنة

أوله مغفرة أوسطه رحمه الله إختارك ليك الرحمه يابا

إختار ليك يوم الأثنين تعرض فيه الأعمال

روحك مرقت خفيفه كالريشه

وجهك مبتسم

جسدك لين منور

مصلي العشاء

قاري جزء قرآنه

واصل كل اهلك بمكالمات فديو كأنه يودعهم

آخر محادثة قال لي

انت الناس دي عصرت عليهم تبرعات انت عايز شنو قلت كمامات طيب باقي ليك كم قلت عشرة الف قال لي هاك ..

جاء آخر مرة للمقر دخل شاف مصاحف تلاتين مصحف ماوزعتهم لسه قال بشكل مازح كويس لما نتوكل توزعها في الفراش .. وزعتها ياابوي وقروا قرآن مانسيت

جارنا شاب لحظة الخبر جاني ضربني قال لي

انت بتقول مات مالك ابوك كان بيتكلم معاي قبل 6 ساعات قلت ليهو بيتكلم معاك في شنو قال لي متكفل لي بحاجات العرس عشان الظروف دي انا مابعرس ياعدي الا ابوك يجيب شنطتي معاه ماتقول مات .. والله ماكلم زول بيها لو ماقال الولد

ابوي لما بيقولوا عدي حرامي وعدي بيسرق قروش الأيتام

وعدي بيستخدم خواطر لمصلحته وعدي بياكل قروش التبرعات ويشتموني لأمي في حسابها وبيرسلو لأبوي في رقمه (( ربي ولدك )) كان بيتصل يضحك معاي لغاية آخر حملة معقم احسان والهجوم الشنوه علينا اتصل هو مابيتصل إلا يكون في شي قال لي

انت مانصيح مجنون بتعمل اي شي بس مابتاكل مال حرام