ثريد #التأمل Meditation:(للمهتمين)

شي طبيعي جدا اننا نحس بي توتر وضغط عصبي وقلق في مواقف معينة. في الأخير دي كلها ردود فعل طبيعية بيقوم بيها المخ في مواجهة المواقف الصعبة عن طريق تفعيل مراكز الfight or flight البتشتغل في المواقف الصعبة وبتخلينا نتخطاها. https://t.co/hS4RANZclQ

لكن بتبدا المشكلة لما المشاعر دي تزعجنا بي شكل متكرر وبنبقى ضحية للهلع المزمن، ودي حاجة بتخلينا متوترين ومحبطين طوال الوقت وبتصعب علينا اننا ندي عقلنا الجرعات البيحتاجها من الإيجابية.

عشان نقدر نكون عقلية صحيحة، احنا محتاجين نعالج الحاجة، ودي الحاجة الحيساعدنا فيها التأمل.

عشان نكون العقلية المناسبة لازم نفهم ونعرف تصرفاتنا ونعرف مسبباتها. وهنا التأمل يعتبر الوسيلة المثالية للحاجة دي.

هو شنو التأمل طيب؟

التأمل هو ممارسة بتساعد الناس يعيشو حياة افضل منذ آلاف السنين. الممارسة دي بتستحث فينا شعور بالوعي بي إنها بتخلينا مطّلعين على كل شي بحصل داخل وخارج جسمنا.

لو الموضوع دا صعب يتفهم حاديكم مثال عشان يقرب ليكم الفكرة.

تخيل انت الليلة عيد ميلاد واصحابك عاملين ليك حفلة وملمومين كلهم والأجواء حلوة.

فجأة تجيك رسالة انه الوظيفة الكنت مقدم عليها ما شالوك فيها. الخبر دا طبعاً ضايقك، حاولت ترجع للجو بتاع الحفلة بس لسبب ما، مخك بيرجعك ليوم المقابلة الشخصية. وبيذكرك بي كل خطء شايف انك عملته اليوم داك.