#باركود_العمره
الحمد لله بعد ما عملت العمره ورجعت بالسلامه...كان لازم أكتب عن الباركود إلى هو حاجه كده ملهاش تلاتين لازمه وماهو إلا نوع من أنواع السرقه والبلطجه إلى بتمارسها علينا شركات السياحه بالإتفاق مع وزارة السياحه نفسها
الأول: إيه هو الباركود ده...ده علامه تعريفيه
بتاخدها من شركات السياحه لو عامل تأشيره للسعوديه أيا كانت..يعنى عمره/سياحه/رايح مؤتمر رايح ف داهيه لازم تاخدها...وسعره كام بأه ده على حسب حظك ومعارفك ف أى شركه سياحيه..بالنسبه للى رايحين السعوديه تبع شركه ببرنامج عمره إنت مبتعرفش كام لأنه بينضم للتكلفه الكليه ٢
وده أحد أسباب إرتفاع أسعار العمره لأن الوزاره بتديه للشركات ب٣٢٠٠جنيه والشركه بتحط عليه الربح إلى على مزاجها...المشكله بتظهر لما بتبقى زى حالاتى كده..أخدت تأشيره سياحيه وطالعه أنا وأختى وإبنى مع نفسنا مش مع شركات ومن هنا المشكله...٣
التذكره كانت القاهره_جده ترانزيت أبو ظبى على طيران الإتحاد وبعد مشاورات معظم الناس أقروا إننا لازم نطلع باركود طالما التذكره فيها إسم السعوديه حتى لومسافرين أبو ظبى الأول..بدأنا البحث وإتعرضنا لكل أنواع البلطجه والتجاره والتسويف من الشركات السياحيه لأننا مع الأسف مينفعش نطلعه ٤
غير عن طريق شركه سياحيه بالرغم من إن تأشيرتنا سياحه مش عمره والساده المسؤلين ف الوزاره صدعونا ليل نهار إنك بتطلعه للعمره بس عن طريق بوابة العمره ومجانا..كل ده كذب ف كذب والناس دى لازم تتحاسب على كذبها لأن وأنا ف رحلة البحث حصل إتصال مع أحد المسؤلين قالى لازم يطلع ومش هيطلع ٥
