"مرض الوهن العضلي الوبيل"
راح احجي بهذا الثريد كلشي يخصة وكل معلوماتي اكتبها الكم بطريقة مبسطة بسبب انو مامعروف بنسبه ٩٠٪ ونادر
والي يهمة الموضوع ويحب يستفسر سألوني
اول شي هو مرض مناعي يصيب العضلات الارادية بجسم الانسان مثل عضلة العين اللسان الايد والرجل والوجه والحنجرة
سببة لهسة ماامعروف واغلب شي يتأثر بالحالة النفسية للشخص المصاب بي
هو مو وراثي ابداً بس تصير بحالات نادرة ينتقل من الام المصابه لطفلها بس اول اسبوعين او شهر ويروح منة +
اعراضة كلش مزعجة تبدي
من الراس تحس مثل الثگل بي ويصير تهدل بالاجفان من تبتسم تحس بصعوبة ووجهك مشدود بالاضافة تصير صعوبة بالبلع والتنفس مرات ومرات صعوبة بالحجي تحس لسانك يثكل هاي اول مراحلة بعدين ينتقل للايد والرجل احياناً بجهة وحدة ومرات جهتين حسب نوعة عند المصاب
اضافة لهاي الاعراض تصير مرات ازدواجية بالرؤية وحتى تحس الجسم خامل وبصعوبة ترفع جسمك واذا وصلت لاقصى درجة من الانتكاسة مستحيل تكدر توكف ع رجليك
تختلف من شخص للثاني ممكن تصير كلهن عند شخص وقسم لا وهكذا
ذن كلهن الاعراض من تصير معناها بداية انتكاسة عند المريض
سببة الجهاز المناعي بجسم المريض تنتج اجسام مضادة تدمر المستقبلات للنواقل العصبيه (الاستيل كولين ) وبالتالي العضلات توصلها مستقبلات اقل من الشخص السليم بسبب الاجسام المضادة
