ثريد لكل المهتمين بالتسويق الرقمي والتسويق عبر وسائل الإعلام الجديد.
الثريد عبارة عن اجابة لسؤالين مهمين:
١- كم سعر الاعلان على السوشيال ميديا؟
٢- كم أدفع لمدير الحملات الاعلانية؟
الاجابة فيها معلومات مهمة و بتفيد الكل ان شاء الله
مهتم؟ ? لايك للتغريدة وانتظر الشرح?
#mkt_art https://t.co/0ucb7gCUkW
الاجابة ممكن اختصرها في سطر واحد لكن حابب يكون الموضوع بيشرح جوانب عديدة وما بيقتصر على الاجابة السطحية لهيك في كثير تفاصيل.
الاجابة المختصرة: انت الي بتحدد سعر الاعلان وقد ما عندك ميزانية السوشيال ميديا بتاخد منك وبتعطيك نتائج وكمان مدة الاعلان انت بتحددها سواء يوم او سنة.
طيب ليش هيك؟
لانو المنصات كلها تعتمد على نفس المبدأ وهو نشر اعلانك للجمهور وبياخدوا من ميزانيتك حسب عدد الناس الي وصلهم الاعلان، يعني لو انت جمهورك المستهدف ١٠ مليون شخص ودفعت ١٠٠ دولار اعلانك ما حيوصل الا لجزء صغير ولنفترض ٢٠ الف شخص.
ومدة الاعلان انت بتحددها .. باستخدام المثال السابق لو حددت انك بدك الاعلان يستمر شهرين او يومين حيوصل ل٢٠ الف شخص لانو متل ما حكيتلك المنصات بتاخد منك مقابل الوصول مش مقابل عدد الايام.
ملاحظة على النقطة السابقة: في حد معين لو نزلت عنه المنصة بتحكيلك زيد الميزانية .. يعني لو جربت تحدد ميزانية صغيييرة كتير مثلا ٥ دولار وحددت عدد الأيام لنفترض شهرين، وقتها ما حيشتغل الاعلان. السبب لانو هيك اعلانك حيوصل لجمهور قليل جدا جدا جدا، يعني منطقيا اعلانك كأنه مش منشور.
