حكاية #مكرون في ليالي #كورونا

القصة بدأت يوم السبت الماضي قبل اسبوع العصر طلعت مع الاهل نتمشى .. نزلتهم البيت قبل اذان صلاة المغرب بدقائق .. صلينا رجعت للبيت فيني نوووم .. قلت انتظر الى 10 ثم انام بإذن الله كان المخطط نومة ممتازة .. فتحت قروب الاستراحة الا الشباب بيجتمعون

قررت أغير الخطة اخليها 11:30 أنام .. رحت الاستراحة صليت العشاء هناك .. جلست على التلفزيون شوي .. جاني النوم قلت خلني آخذ غفوة ربع ساعة .. ما امداني اخطط الا دخل ابو فهيد الاستراحة ..

ومعه رحيت عطر فاقعه جدا جدا .. صدعت منها ودخت لبست الكمامة .. شوي الا صداع خفيف ..

قلت يمكن النوم دقت ساعته .. خلني اتعوذ من الشيطان واروح انام .. وافتك من الارهاق و من ريحة العطر .. بس في شيء محرج مالها داعي اخلي ابو فهيد لحاله خلني انتظر لين يجي احد و يجلس بعدها اقدر اروح .. " يلومني في الرجال و مرجلته "

اضطريت انتظر الى الساعة 10 حتى وصل ابو فيصل رقم 2

لان فيه ابو فيصل رقم 1 .. المهم جيت بمشي قال ابو فيصل وين بدري قلت فيني نوم والعطر فقع راسي .. صدمت أبو فهيد في عطرهـ .. قال ابو فيصل الله يسهل دربك بس وجهك ماهو عاجبني .. قلت له فيني نوووم على نيتي برئ جدا .. وانا طالع للسيارة

صداع باغتني فجأة .. قلت يمكن لاني كنت منسدح وقمت فجأة " طبعا هذا طبيبي الداخلي "

في الطريق حسيت اني دايخ .. جسمي يقشعر بزيادة .. برد وحر في نفس الوقت .. عرفت انها اعراض الارهاق لقلة النوم