كورونا من عند الله مهما كان السبب في ظهورها وهي مأموره بما تحصد وتمرض

من كام الف سنة

قوم سبأ (بلد في اليمن ) كان عندهم جنتين كبار جدا جدا لدرجة ان الفاكهة كانت تسقط فروع الاشجار من ثقلها

وكانت مغرقة اهل البلد حرفيا ومعيشاهم في نعيم تام

حتي ان المؤرخين قالوا ان المرأة كانت تحمل

فوق راسها الاناء وتمر فقط تحت الشجر فمن كثرة الفاكهة كانت تسقط بأنواعها فتملأ الوعاء فوق راسها إلى أن تصل بيتها دون ان يقطفها أحد

وطبعا كانت لهم حضارة م اقدم الحضارات ف الكوكب وجيش من اقوي جيوش الأرض وقتها ال الملكة بتاعته كانت بلقيس وقصتها الشهيرة مع سيدنا سليمان والهدهد

المهم

كان سبب الازدهار بتاعهم ده سد علي النهر كبييير جدا طوله ٦٠٠ م وعرضه ٦٠م وارتفاعه ١٦ متر . ومخزن الميه ومخلي الجنتين دول يشربوا ويبقوا زي الفل، تمام كده وبعدين فجأة

و مرة واحدة حصل شروخ ف السد واتكسر تماما وطبعا حصل سيول عارمة مسحت الارض تماما ودمرت كل شيء واصبحت ديارهم خرابا

وانتهت حضارتهم للابد

اي مؤرخ هيقولك طبعا ان السد والميه والارض الخصبة كانت هي سبب الحضارة

وهيحكيلك ان بسبب الجغرافيا وعوامل التعرية والزلازل مثلا كانت من أهم اسباب انهيار السد ده غير طبعا العمر الافتراضي

قصة منطقيه و واقعية جدا و مفهومة

ولكن لما ربنا سبحانه وتعالي هو اللي حكي

القصة لينا في القران

و قال في كتابه

لَقَدْ كَانَ لِسَبَإٍ فِي مَسْكَنِهِمْ آيَةٌ ۖ جَنَّتَانِ عَن يَمِينٍ وَشِمَالٍ ۖ كُلُوا مِن رِّزْقِ رَبِّكُمْ وَاشْكُرُوا لَهُ ۚ بَلْدَةٌ طَيِّبَةٌ وَرَبٌّ غَفُورٌ (15)

يعني كل اللي مطلوب الشكر لله، احترام و تقدير النعمة، مطلبش حاجة غير الشكر