أنا كنت قلت من فترة إني ناوي أكتب ثريد تفصيلي شوية عن المقامات فأعتقد آن الآوان نعمل واحدة سبام يا ابتسام للتايملاين بثريد طويل حبتين عن المقامات من تحت الصفر
أولا وقبل أي حاجة أنا راجل هاوي مش متخصص ومش دارس دراسة أكاديمية، باتعلم لسه (تعليم غير أكاديمي) فأنا اختصارا زميلك اللي حضر محاضرة وقعد يلخصهالك بالليل ع القهوة علشان إنت كنت غايب ، أنا مش الأستاذ اللي بيشرح أنا طالب زيي زيك
ودي نقطة مهمة جدا علشان الخطأ وارد والأمانة في النقل مطلوبة، وفي مقولة بتقول "من كان معلمه كتابه كثر خطؤه وقل صوابه"
أي نعم أنا مراجع أي حاجة باقولها بس دا لا ينفي احتمالية الخطأ، إن شاء الله ميبقاش في غلطات بس برضو قبل ما تقرا قلت أقولك أنا إيه علشان متتخدعش
ثانيا: هل تعلم المقامات مهم؟
والله المقامات دي هي الاستديو التحليلي بتاع المزيكا، يعني في الكورة ممكن تتفرج ع الماتش وتستمتع وتقلب ع فيلم وممكن تقعد ساعتين بعد الماتش وساعات أسبوع بتتفرج ع تحليلات للماتش وهاتلنا الجون بصوت المذيع الفلاني والإعادة من زاوية مشجعين الفريق المنافس
حضرتك كده كده بتسمتع بالمزيكا بس قصة المقامات بتزود المتعة دي حتى لو إنت سميع مش بتعزف
