قصتي مع المرض المفاجئ .. تحت هالتغريدة
نهاية هالقصة راح أكتب أهدافي من القصة .. قراءة ممتعة :)
بدت المشكلة معي تقريباً من قبل سنة كانت تجي كحه قويه وبعدها بفتره كتمه وضيق تنفس فجاءة وتروح وكنت مهملها لأني كنت معتبرها شيء عادي ويروح ومشيت على هالحال إلى تاريخ 1439/10/21هـ ، بدت تقوى هالكتمه لدرجة كنت ما أقدر أتنفس زين وصرت أخذ جرعت أكسجين في البيت بمحلول ملحي
علشان الهواء النقي وبعدها أرتاح وأنام وفي يوم الخميس 1439/10/28 هـ ، صارت جرعة هالأكسجين ما تسوي شيء من قوة الألم وفي صباح الجمعة 1439/10/29 هـ ، قررت أروح للمستشفى وداني أخوي محمد لمستشفى الملك خالد الجامعي ودخلنا قسم الطوارئ وبعد الفحوصات والأشعة قالوا فيني ألتهاب في الرئة
الرئة قررو علي تنويم وبدو يعطوني أدوية عن طريق الوريد مع جلسات أكسجين لمدة تقريباً أسبوعين وتحسنت حالتي من ناحية الرئة بس كنت أحس بكتمه إذا مشيت في الصدر وقلت لدكتور عنها وقالي من ناحية الرئة فهي سليمة بس بنسوي لك أشعة مقطعية لصدر كامل وبعد ماسوو لي الأشعة أكتشفو تضخم في القلب
وحولوني على دكتور القلب المهم أنه عطاني أدوية وكتب لي خروج في تاريخ 1439/11/11 هـ .
أستمريت على الأدوية لمدة 6 شهور بس كانت حالتي تدهور وصرت ما أقدر أبذل جهد ولا أقدر أمشي كثير وزادت نسبة السوائل عندي وكنت كل ما أروح لموعد يزود لي جرعة العلاج
