اللي عندهم سمنة لسنوات طويلة في حياتهم هما الناس اللي اكتر حاجة اتقالتلهم طول فترة نموهم ( بطل اكل)
بغض النظر كاطفال كان وزنهم ازاي
❤️
و لاني بحبكم
هقولكم كنز هيفتحلكم الطريق لعلاقتكم مع جسمكم
كل مرة تيجوا تاكلوا الصوت دا ملازمكم
وقتها قولوا لنفسكم بصوت
كلي يا نفسي و اتهني
انا بقولكم و بديلكم السماح
تاكلوا
و تاكلوا على راحتكم
بدون خوف
أنا هكتب حاجة يمكن اللي يقراها و مش حاسس بيها يقول ايه العبط دا
بس انا عارفه ان كتير من اللي هيقروا الكلام دا و يعنيهم
السماح دا هيمثلهم اهم نقطة في حياتهم
يمكن يدمعوا حتى من التغريدة
انا بحبكم
من كل قلبي
أنا مش امكم و لا عيلتكم و لا يمكن صديقة مقربة
بس بحبكم بجد
و الحب بيكون كدا
و الحبيب بيكون كدا
و بقولك كل و انبسط
ماتشيلش هم وزنك دلوقتي
هقولك بعدين ايه ممكن نعمله
بس اول حاجة لازم تعرف ان الاكل مش عدوك و انك مش غلط و انك تستاهل تاكل بأريحية و تتبسط
و ان دا حقك
و حق جسمك
انه يحس بالحب
لان الاكل طول فترة نموكم
هوا الوحيد اللي كان صديق و حبيب
و اغلب السمنه المزمنة من عمر مبكر بيكون سببها عدم تواجد امومة (في الوالدة)
لانها ولدت و نسيت تعطي حنان و احتواء
وقتها الاكل كان بالنسبة لك مصدر للامومة
انت اخترت خيار كويس يعوضك
اكيد بييجي معاه آثار سلبية
بس عاوزاك تتحرر من ان الاكل و ان حبك للأكل هوا خطيئتك
ليست خطيئتك
لقد احتويت نفسك بما تعرفه و الأكل فعلا يحتوي ليست خدعة
لكنك الان ستنظر للأكل ليس كتعويض
لانك ستأكل بدون ذنب
كل مرة تحط لقمة قل لنفسك بصوت
كلي يا نفسي و اتهني
و استرخي
❤️
