مأساة مصر للطيران @EGYPTAIR رحلة القاهرة #MS789 - براغ يوم الخميس ٢٢/٨ بعد تأخير أكتر من ١١ ساعة وعطل فني واختناقات في الطائرة مع مناوشات بين المسافرين ومسؤولين مصر للطيران على أرض المطار ? https://t.co/gxdNCUDGr2
الحكاية بدأت بوصولي وعائلتي مطار القاهرة صالة ٣ الساعة العاشرة صباحا قبل موعد الطائرة بساعتين كما هو معتاد. خلصنا اجرائات السفر سريعا وذهبنا الى بوابة الاقلاع في انتظار الطائرة. جاء موعد الboarding وصالة السفر لسه مغلقة. سألت الموظفين عند البوابة ردوا الطيارة متأخره وزمانها جايه
تعدي ساعة والتانيه ونفس الاجابة. الطيارة زمانها جايه ودي المعلومه اللي عندنا. عايز معلومات اكتر روح الاستعلامات. رحت Public Relations أسأل عن أي معلومات. مكتب كبير في منتصف مدخل صالات المغادرة. موظف قاعد قدام شاشات الكمبيوتر، ومجموعة من الموظفين قاعدين على كراسي في الخلفية
اللي بيشرب شاي واللي بيلعب في الموبايل. يا جماعة في أي معلومات عن طيارة براغ؟ لا يا فندم، إحنا ما عندناش معلومات. إحنا هنا لخدمة ذوي الاحتياجات الخاصة. طيب أروح فين عشان أعرف أي معلومات عن الطيارة؟ روح عند المحطة "اللي هي صالة السفر" هتلاقي مندوب الشركة هناك.
رحت المحطة مفيش حد. استنيت محدش جه. رجعت تاني أسأل قالولي لا دي مش شغلتنا يا فندم إحنا لخدمة المعاقين. مكتب مصر للطيران بعد الجوازات. روح استأذن ظابط الجوازات وخليه يعديك واسأل هناك!!! قلت أجرب حظي وأروح فعلاً، لقيت موظف بيغمز لزميله: "أيوه، جدع، مشيهم مش عايزين زحمة هنا".
